പത്തനംതിട്ട കളക്ടറേറ്റ് : പത്തനംതിട്ട ജില്ലയില് ഇന്ന് (3) രണ്ട് കോവിഡ്-19 കേസുകള് സ്ഥിരീകരിച്ചു. മേയ് 24ന് മഹാരാഷ്ട്രയില് നിന്ന് ട്രാവലറില് എത്തിയ കൂടല് സ്വദേശിനിയായ 27 വയസുകാരി. മേയ് 27ന് കുവൈറ്റില് നിന്നും കുവൈറ്റ് – കൊച്ചി വിമാനത്തില് എത്തിയ കുമ്പഴ സ്വദേശിയായ 27 വയസുകാരന് എന്നിവരാണ് ഇന്ന് പോസിറ്റീവായത്.
ജില്ലയില് ഇതുവരെ ആകെ 55 പേര്ക്ക് രോഗം സ്ഥിരീകരിച്ചിട്ടുണ്ട്. കോവിഡ്-19 മൂലം ജില്ലയില് ഒരാള് മരണമടഞ്ഞു. ജില്ലയില് രോഗവിമുക്തരായവരുടെ എണ്ണം 21 ആണ്. നിലവില് ജില്ലയില് 33 പേര് രോഗികളായിട്ടുണ്ട്. ഇതില് 29 പേര് പത്തനംതിട്ട ജില്ലയിലും നാലു പേര് ജില്ലയ്ക്ക് പുറത്തും ചികിത്സയിലാണ്. ജനറല് ആശുപത്രി പത്തനംതിട്ടയില് 26 പേരും ജില്ലാ ആശുപത്രി കോഴഞ്ചേരിയില് എട്ടു പേരും ജനറല് ആശുപത്രി അടൂരില് നാലു പേരും, സിഎഫ്എല്ടിസി റാന്നി മേനാംതോട്ടം ആശുപത്രിയില് 10 പേരും ഐസൊലേഷനില് ഉണ്ട്. സ്വകാര്യ ആശുപത്രികളില് 20 പേര് ഐസൊലേഷനില് ഉണ്ട്.
ജില്ലയില് ആകെ 68 പേര് വിവിധ ആശുപത്രികളില് ഐസോലേഷനില് ആണ്. ഇന്ന് പുതിയതായി 19 പേരെ ഐസൊലേഷനില് പ്രവേശിപ്പിച്ചു. ജില്ലയില് 76 കോണ്ടാക്ടുകള് നിരീക്ഷണത്തില് ഉണ്ട്. മറ്റ് സംസ്ഥാനങ്ങളില് നിന്നും തിരിച്ചെത്തിയ 3311 പേരും വിദേശത്തുനിന്നും തിരിച്ചെത്തിയ 853 പേരും നിലവില് നിരീക്ഷണത്തിലാണ്. വിദേശത്തുനിന്നും ഇന്ന് തിരിച്ചെത്തിയ 72 പേരും മറ്റ് സംസ്ഥാനങ്ങളില് നിന്നും ഇന്ന് എത്തിയ 157 പേരും ഇതില് ഉള്പ്പെടുന്നു. ആകെ 4240 പേര് നിരീക്ഷണത്തിലാണ്. ജില്ലയില് വിദേശത്തുനിന്നും മറ്റ് സംസ്ഥാനങ്ങളില് നിന്നും തിരിച്ചെത്തുന്നവരെ താമസിപ്പിക്കുന്നതിന് ഇതുവരെ 116 കോവിഡ് കെയര് സെന്ററുകള് സജ്ജീകരിച്ചിട്ടുണ്ട്. ഇവയില് നിലവില് ആകെ 1170 പേരെ താമസിപ്പിച്ചിട്ടുണ്ട്.
ജില്ലയില് നിന്ന് ഇന്ന് 138 സാമ്പിളുകള് പരിശോധനയ്ക്ക് അയച്ചിട്ടുണ്ട്. ഇതുവരെ ജില്ലയില് നിന്നും 8581 സാമ്പിളുകള് ആണ് പരിശോധനയ്ക്കായി അയച്ചിട്ടുളളത്. ജില്ലയില് ഇന്ന് 145 സാമ്പിളുകള് നെഗറ്റീവായി റിപ്പോര്ട്ട് ചെയ്തു. ഇന്നു വരെ അയച്ച സാമ്പിളുകളില് 53 എണ്ണം പൊസിറ്റീവായും 7942 എണ്ണം നെഗറ്റീവായും റിപ്പോര്ട്ട് ലഭിച്ചിട്ടുണ്ട്. 392 സാമ്പിളുകളുടെ ഫലം ലഭിക്കാനുണ്ട്.
ജില്ലാ മെഡിക്കല് ഓഫീസറുടെ കണ്ട്രോള് റൂമില് 43 കോളുകളും ജില്ലാ ദുരന്തനിവാരണ വിഭാഗത്തിന്റെ കണ്ട്രോള് റൂമില് 116 കോളുകളും ലഭിച്ചു. ഇന്റഗ്രേറ്റഡ് വോയിസ് റസ്പോണ്സ് സിസ്റ്റത്തില് ഇന്ന് 10 കോളുകള് ലഭിച്ചു. (ഫോണ് നമ്പര് 9205284484). ഇവയില് ആറ് എണ്ണം കണ്ട്രോള് റൂമുമായും നാല് എണ്ണം സൈക്കോളജിക്കല് സപ്പോര്ട്ടുമായും ബന്ധപ്പെട്ടവയായിരുന്നു. ക്വാറന്റൈനിലുളള ആളുകള്ക്ക് നല്കുന്ന സൈക്കോളജിക്കല് സപ്പോര്ട്ടിന്റെ ഭാഗമായി ഇന്ന് 326 കോളുകള് നടത്തുകയും, 42 പേര്ക്ക് കൗണ്സലിംഗ് നല്കുകയും ചെയ്തു.
ഇന്ന് രണ്ടു സെഷനിലായി പരിശീലന പരിപാടി നടന്നു. ഒരു ഡോക്ടറും, 10 നഴ്സുമാരും, 16 മറ്റ് ജീവനക്കാരും ഉള്പ്പെടെ ആകെ 27 പേര്ക്ക് കോവിഡ് അവയര്നസ് പരിശീലനം നല്കി. നാട്ടിലേക്ക് തിരിച്ചുപോകുന്ന 748 അന്യ സംസ്ഥാന തൊഴിലാളികളെ ഇന്ന് സ്ക്രീന് ചെയ്ത് മെഡിക്കല് സര്ട്ടിഫിക്കറ്റ് നല്കി. ഇതുവരെ 5075 പേര്ക്ക് മെഡിക്കല് സര്ട്ടിഫിക്കറ്റ് നല്കിയിട്ടുണ്ട്. ജില്ലാ കളക്ടറുടെ നേതൃത്വത്തിലുളള ദൈനംദിന അവലോകനയോഗം വൈകുന്നേരം 4.30 ന് ജില്ലാ കളക്ടറുടെ ചേമ്പറില് നടന്നു. പ്രോഗ്രാം ഓഫീസര്മാരുടെയും മാനേജ്മെന്റ് ടീം ലീഡര്മാരുടെയും പ്ലാനിംഗ് മീറ്റിംഗ്, ജില്ലാ മെഡിക്കല് ഓഫീസറുടെ ചേമ്പറില് കൂടി.
