തിരുവനന്തപുരം : സംസ്ഥാനത്ത് ഒരു കോവിഡ് മരണം കൂടി. ഇന്നലെ മരിച്ച തിരൂര്‍ പുത്തൂര്‍ സ്വദേശി അബ്ദുള്‍ ഖാദര്‍ എന്ന എഴുപതുകാരനാണ് പരിശോധനയില്‍ കോവിഡ് സ്ഥിരീകരിച്ചത്. വീട്ടില്‍ ക്വാറന്റൈനില്‍ കഴിയവെ പനിബാധിച്ച്‌ നില വഷളാവുകയും കുഴഞ്ഞുവീണ് മരണം സംഭവിക്കുകയുമായിരുന്നു.
ബെംഗളൂരുവില്‍ നിന്ന് നാട്ടിലെത്തിയതിനെ തുടര്‍ന്നാണ് അബ്ദുള്‍ ഖാദര്‍ നിരീക്ഷണത്തിലായത്. മൃതദേഹം താലൂക്ക് ആശുപത്രിയില്‍ സൂക്ഷിച്ചിരിക്കുകയാണ്. അബ്ദുള്‍ ഖാദറിന്റെ മരണത്തോടെ സംസ്ഥാനത്ത് കോവിഡ് ബാധിച്ച്‌ മരിച്ചവരുടെ എണ്ണം മുപ്പത്തഞ്ചായി.
