ന്യൂഡല്‍ഹി: രാജ്യത്ത് കോവിഡ് വ്യാപനം വീണ്ടും രൂക്ഷമാകുന്നു. കഴിഞ്ഞ ദിവസങ്ങളില്‍ 15,000ല്‍ താഴെയായിരുന്നു പ്രതിദിന കോവിഡ് രോഗികള്‍. ഇന്ന് 17000 കടന്നു. 17,407 പേര്‍ക്കാണ് വൈറസ് ബാധ സ്ഥിരീകരിച്ചത്. ഇതോടെ രോഗബാധിതരുടെ ആകെ എണ്ണം 1,11,56,923 ആയി ഉയര്‍ന്നതായി കേന്ദ്രസര്‍ക്കാര്‍ കണക്കുകള്‍ വ്യക്തമാക്കുന്നു.
ഇന്നലെ മാത്രം 89 പേരാണ് വൈറസ് ബാധയെ തുടര്‍ന്ന് മരിച്ചത്. ഇതോടെ മരണസംഖ്യ 1,57,435 ആയി ഉയര്‍ന്നു. നിലവില്‍ 1,73,413 പേര്‍ ചികിത്സയില്‍ കഴിയുന്നതായി സര്‍ക്കാര്‍ കണക്കുകള്‍ വ്യക്തമാക്കുന്നു.
ഇന്നലെ 14,031 പേരാണ് രോഗമുക്തി നേടിയത്. ഇതോടെ രോഗമുക്തരുടെ ആകെ എണ്ണം 1,08,26,075 ആയി ഉയര്‍ന്നു. നിലവില്‍ 1,66,16,048 പേര്‍ക്ക് കോവിഡ് പ്രതിരോധ വാക്‌സിന്‍ കുത്തിവെച്ചതായും സര്‍ക്കാര്‍ കണക്കുകള്‍ വ്യക്തമാക്കുന്നു.
മഹാരാഷ്ട്രയില്‍ കോവിഡ് വ്യാപനം രൂക്ഷമായി തുടരുകയാണ്. അടുത്തിടെ ആദ്യമായി പ്രതിദിന കോവിഡ് രോഗികള്‍ പതിനായിരത്തോട് അടുത്തുവന്നു. ഒക്ടോബര്‍ 17നാണ് അവസാനമായി 10,000ലധികം കേസുകള്‍ റിപ്പോര്‍ട്ട് ചെയ്തത്.
