ന്യൂഡല്ഹി: രാജ്യത്ത് 24 മണിക്കൂറിനിടെ 41,810 പേര്ക്ക് കൂടി പുതുതായി കോവിഡ് സ്ഥിരീകരിച്ചു. ഇതോടെ രാജ്യത്തെ ആകെ കോവിഡ് രോഗികളുടെ എണ്ണം 93,92,920 ആയി. കഴിഞ്ഞ 24 മണിക്കൂറിനിടെ 496 പേര് കൂടി കോവിഡ് ബാധിച്ച് മരിച്ചതോടെ ആകെ മരണം 1,36,696 ആയി ഉയര്ന്നു.
നിലവില് രാജ്യത്തെ വിവിധ ആശുപത്രികളിലായി 4,53,956 പേര് ചികിത്സയിലാണ്. ഇതുവരെ 88,02,267 പേര് രോഗമുക്തി നേടി. ശനിയാഴ്ച മാത്രം 12,83,449 സാമ്പിളുകള് പരിശോധിച്ചു. ഇതോടെ രാജ്യത്ത് ആകെ 13,95,03,803 സാമ്പിളുകള് പരിശോധിച്ചതായി ഐസിഎംആര് അറിയിച്ചു.
