ഇരിങ്ങാലക്കുട : കഴിഞ്ഞദിവസം മരിച്ച അവിട്ടത്തൂര് സ്വദേശിക്ക് കോവിഡായിരുന്നുവെന്ന് പരിശോധനയില് സ്ഥിരീകരിച്ചു. അവിട്ടത്തൂര് തെക്കുംപറമ്പില് ദിവാകരന്റെ മകന് ഷിജു(46)വാണ് മരിച്ചത്. ആരില്നിന്നാണ് കോവിഡ് ബാധിച്ചതെന്നു വ്യക്തമായിട്ടില്ല.
ഏതാനും ദിവസങ്ങളായി ചുമയും കഫക്കെട്ടും അനുഭവപ്പെട്ടിരുന്ന ഷിജുവിനെ ബുധനാഴ്ച രാവിലെയാണ് തൃശൂര് മെഡിക്കല് കോളജില് പ്രവേശിപ്പിച്ചത്. ഉച്ചയോടെ മരണം സംഭവിച്ചു. വീടു പണിയുന്നതുമായി ബന്ധപ്പെട്ടു രണ്ടുവര്ഷം മുമ്പാണ് ഷിജു ഗള്ഫില്നിന്നു മടങ്ങിയത്. ഭാര്യ – നയന. മക്കള് – ആദി, ആര്യ.
