തിരുവനന്തപുരം : ഉത്സവകാലത്തിന് മുന്നോടിയായി പുതിയ മാര്ഗനിര്ദേശവുമായി ആരോഗ്യമന്ത്രാലയം. ടി.പി.ആര് 5 ശതമാനത്തിന് മുകളിലുള്ള ജില്ലകളില് കൂടിച്ചേരലുകള് അനുവദിക്കില്ല. 5 ശതമാനത്തിന് താഴെ ടി.പി.ആര് ഉള്ള ജില്ലകളില് മുന്കൂട്ടി അനുമതി വാങ്ങി പരിപാടികള് നടത്താം. കൊവിഡ് പ്രോട്ടോക്കോള് കൃത്യമായി പാലിക്കണമെന്നും ആരോഗ്യമന്ത്രാലയം നിര്ദ്ദേശിച്ചു.
സംസ്ഥാനത്ത് സ്കൂളുകള് നവംബര് ഒന്നിന് തന്നെ തുറക്കുമെന്ന് മന്ത്രി വി.ശിവന്കുട്ടി അറിയിച്ചു. ക്ലാസ് തുടങ്ങുന്നതിന് വേണ്ടി എല്ലാ ക്രമീകരണങ്ങളും പൂര്ത്തിയായാതായും എല്ലാ സൂക്ഷ്മാംശങ്ങളും പരിശോധിച്ച് കൊണ്ടാണ് ക്രമീകരണങ്ങള് നടത്തിയതെന്നും ഉന്നതതല യോഗത്തിന് ശേഷം മന്ത്രി വീണാ ജോര്ജും മന്ത്രി വി ശിവന്കുട്ടിയും മാധ്യമങ്ങളോട് പറഞ്ഞു. സ്കൂള് തുറക്കുന്നതിനുള്ള മാര്ഗരേഖയ്ക്കായി സമഗ്രറിപ്പോര്ട്ട് തയ്യാറാക്കും. രക്ഷിതാക്കള്ക്കും പൊതുജനങ്ങള്ക്കും യാതൊരും ആശങ്കയ്ക്കും വകനല്കാത്ത രീതിയിലാവും മാര്ഗനിര്ദേശങ്ങള് പൂര്ത്തിയാക്കുക. എല്ലാ പ്രതിരോധ നടപടികളും തയ്യാറാക്കുമെന്നും മാര്ഗനിര്ദ്ദേശം ഉടന് പുറത്തിറക്കുമെന്നും ഇവര് പറഞ്ഞു.
