തിരുവനന്തപുരം : കൂടുതല്‍ കോവിഡ് ബാധയുള്ള സ്ഥലങ്ങളില്‍ ട്രിപ്പിള്‍ ലോക് ഡൗണ്‍ ആലോചിക്കുമെന്ന് മുഖ്യമന്ത്രി പിണറായി വിജയന്‍. സംസ്ഥാനത്ത് രോഗവ്യാപനം കൂടുതല്‍ കണ്ണൂര്‍ ജില്ലയിലാണെന്നും അദ്ദേഹം പറഞ്ഞു. കണ്ണൂരില്‍ മാത്രം ചികിത്സയിലുള്ളത് 93 കോവിഡ് രോഗികളാണ്. ഇതില്‍ 19 പേര്‍ക്ക് വൈറസ് ബാധയേറ്റത് സമ്പര്‍ക്കത്തിലൂടെയാണ്. സംസ്ഥാന ശരാശരിയേക്കാള്‍ കൂടുതലാണ് കണ്ണൂരിലെ കണക്കെന്നും അദ്ദേഹം പറഞ്ഞു. സംസ്ഥാനത്തിന് പുറത്ത് നിന്ന് 1,33,249 പേര്‍ ഇതുവരെ കേരളത്തിലെത്തിയിട്ടുണ്ട്.
