ന്യുഡല്‍ഹി ; ലോകത്താകെയുള്ള കോവിഡ് ബാധിതരുടെ എണ്ണത്തിലെ വര്‍ധനവിന് ശമനമില്ല. ഇതുവരെ ലോകവ്യാപകമായി 41,00,728 പേര്‍ക്കാണ് രോഗം ബാധിച്ചിട്ടുള്ളതെന്നാണ് ഔദ്യോഗിക കണക്കുകള്‍. 2,80,431 പേര്‍ക്കാണ് വൈറസ് ബാധയേത്തുടര്‍ന്ന് ജീവന്‍ നഷ്ടമായത്.
14,41,475 പേര്‍ക്ക് മാത്രമാണ് ഇതുവരെ രോഗമുക്തി നേടാനായത്. അമേരിക്കയില്‍ 13,47,309 പേര്‍ക്ക് രോഗം ബാധിച്ചു. 80,037 പേര് മരിച്ചു. സ്പെയിനില്‍ രോഗം ബാധിച്ചവര്‍ 2,62,783, മരണം 26,478. ഇറ്റലി- 2,18,268, മരണം 30,395. ബ്രിട്ടന്‍- 215,260, മരണം 31,587. റഷ്യ- 198,676, മരണം 1,827. ഫ്രാന്‍സ്- 1,76,658, മരണം 26,310. ജര്‍മനി- 171,324, മരണം 7,549. ബ്രസീല്‍- 1,56,061, മരണം 10,656. തുര്‍ക്കി- 1,37,115, മരണം 3,739. ഇറാന്‍- 1,06,220, മരണം 6,589.
