റാന്നി : പഴവങ്ങാടി പഞ്ചായത്തിലെ മാലിന്യ സംസ്ക്കരണ പദ്ധതി എത്രയും വേഗം പുനസ്ഥാപിക്കണമെന്ന് സി.പി.ഐ പഴവങ്ങാടി ലോക്കല് സമ്മേളനം പ്രമേയത്തിലൂടെ ആവശ്യപ്പെട്ടു. പഞ്ചായത്തില് മാലിന്യ സംസ്ക്കരണം കീറാമുട്ടിയായി തീര്ന്നിരിക്കുകയാണ്. ഇട്ടിയപ്പാറയിലെ നിലവിലെ സംസ്ക്കരണ പ്ലാന്റ് പൊതുജനത്തിന് ബാധ്യതയായി തീര്ന്നിരിക്കുകയാണ്. ഇതിന് പരിഹാരം കാണാന് അധികൃതര് തയ്യാറാകണമെന്നും ജണ്ടായിക്കല് നിര്മ്മാണം നടന്നു കൊണ്ടിരിക്കുന്ന വൈദ്യുത വാതക ശ്മശാനം നിര്മ്മാണം പൂര്ത്തീകരിച്ച് പ്രവര്ത്തന സജ്ജമാക്കണമെന്നും സമ്മേളനം ആവശ്യപ്പെട്ടു.
സംസ്ഥാന കണ്ട്രോള് കമ്മീഷനംഗം എം.വി വിദ്യാധരന് ഉദ്ഘാടനം ചെയ്തു. സുരേഷ് അമ്പാട്ട്, ഹാപ്പി പ്ലാച്ചേരി, ജോളിമധു എന്നിവരടങ്ങിയ പ്രസീഡിയം സമ്മേളന നടപടികള് നിയന്ത്രിച്ചു. സമ്മേളനത്തില് വിവിധ രംഗങ്ങളില് കഴിവു തെളിയിച്ചയവരെ ആദരിച്ചു. മണ്ഡലം സെക്രട്ടറി കെ സതീശ്, ജില്ലാ കൗണ്സിലംഗങ്ങളായ ടി.ജെ ബാബുരാജ്, അനീഷ് ചുങ്കപ്പാറ, മണ്ഡലം സെക്രട്ടറിയറ്റംഗങ്ങളായ സുരേഷ് ജേക്കബ്ബ്, സന്തോഷ് കെ.ചാണ്ടി, ലോക്കല് സെക്രട്ടറി എ. ജി ഗോപകുമാര്, എം.വി പ്രസന്നകുമാര്, സുരേഷ് മോതിരവയല്, ബിനിറ്റ് മാത്യു, ജോയ്സി ചാക്കോ എന്നിവര് പ്രസംഗിച്ചു. സെക്രട്ടറിയായി എ.ജി ഗോപകുമാറിനെയും അസി.സെക്രട്ടറിയായി സുരേഷ് അമ്പാട്ടിനെയും തെരഞ്ഞെടുത്തു.
