തിരുവനന്തപുരം: സംസ്ഥാന സെക്രട്ടേറിയറ്റിന്റെ തുടര്ച്ചയായി സിപിഐഎം സംസ്ഥാന സമിതി യോഗം ഇന്ന് ചേരും. സര്ക്കാരിനെ പ്രതിസന്ധിയിലാക്കിയ ലൈഫ് പദ്ധതിയില് സിബിഐ അന്വേഷണം ആരംഭിച്ച സാഹചര്യത്തിലാണ് സംസ്ഥാന സമിതി യോഗം ചേരുന്നത്.
സര്ക്കാരിനെതിരെ രാഷ്ട്രീയ ആയുധമായി സിബിഐയെ ബിജെപി ഉപയോഗിക്കുന്നുവെന്ന ആരോപണമാണ് ഇന്നലെ സംസ്ഥാന സെക്രട്ടേറിയറ്റ് ഉന്നയിച്ചത്. തദ്ദേശ തെരഞ്ഞെടുപ്പ് ഒരുക്കങ്ങളും ജോസ് കെ മാണിയുടെ മുന്നണി പ്രവേശനവും സിപിഐഎം സംസ്ഥാന സമിതി ചര്ച്ച ചെയ്യും.
കഴിഞ്ഞ ദിവസം ലൈഫ് പദ്ധതിയുമായി ബന്ധപ്പെട്ട സിബിഐ അന്വേഷണം രാഷ്ട്രീയ പ്രേരിതമാണെന്ന് സിപിഐഎം പറഞ്ഞിരുന്നു. അന്വേഷണ ഏജന്സികളെ ദുരുപയോഗപ്പെടുത്താനുള്ള ശ്രമമാണ് നടക്കുന്നത്. കോണ്ഗ്രസ് എംഎല്എ നല്കിയ പരാതിയില് കീഴ്വഴക്കങ്ങള് ലംഘിച്ചാണ് സിബിഐ കേസെടുത്തതെന്നും കോണ്ഗ്രസ്- ബിജെപി കൂട്ടുകെട്ട് ഏതറ്റം വരെ പോയി എന്നതിന്റെ തെളിവാണ് ഇതെന്നും സിപിഐഎം സംസ്ഥാന സെക്രട്ടേറിയറ്റിന്റെ പ്രസ്താവനയില് കുറ്റപ്പെടുത്തി.
