കണ്ണൂര്‍ :പിണറായി പഞ്ചായത്തില്‍ സ്വന്തം വീടിനു മുന്നില്‍ വെച്ച പ്രചാരണ ബോര്‍ഡ് അഴിച്ചുമാറ്റണമെന്ന് സ്ഥാനാര്‍ഥിക്ക് ഭീഷണി. പത്താം വാര്‍ഡിലെ യുഡിഎഫ് സ്ഥാനാര്‍ഥി മിജു സജീവന്റെ പ്രചാരണ ബോര്‍ഡ് അഴിച്ചു മാറ്റാന്‍ ആവശ്യപ്പെടുന്ന ശബ്ദരേഖയാണ് പുറത്തുവന്നത്. ഇതുവരെ എല്‍ഡിഎഫ് അല്ലാതെ മറ്റാരും പ്രചാരണ ബോര്‍ഡ് വെച്ചിട്ടില്ലെന്നും അഴിച്ചുവെച്ചില്ലെങ്കില്‍ നല്ല രീതിയില്‍ മുന്നോട്ട് പോകില്ലെന്നും ശബ്ദരേഖയില്‍ പറയുന്നു. പൊട്ടന്‍പാറ ബ്രാഞ്ച് സെക്രട്ടറി ദിലീശനാണ് വനിത സ്ഥാനാര്‍ഥിയെ ഫോണിലൂടെ ഭീഷണിപ്പെടുത്തിയതെന്ന് കോണ്‍ഗ്രസ് ആരോപിച്ചു.
