തിരുവനന്തപുരം: തെരഞ്ഞെടുപ്പ് പ്രകടനം വിശകലനം ചെയ്യുന്നതിനായി ഇന്ന് സി.പി.എം സംസ്ഥാന സെക്രട്ടറിയറ്റ് യോഗം ചേരും. കെ.ടി.ജലീല്‍ വിഷയത്തില്‍ ഹൈക്കോടതിയില്‍ നിന്ന് തിരിച്ചടി ലഭിച്ച സാഹചര്യത്തില്‍ ആ വിഷയവും യോഗം ചര്‍ച്ച ചെയ്യും.
യോഗത്തില്‍ മുഖ്യമന്ത്രി പിണറായി വിജയനും പങ്കെടുക്കും. ജി.സുധാകരന്റെ പരസ്യ പ്രതികരണങ്ങളും ആലപ്പുഴയിലെ സംഘടനാ വിഷയങ്ങളും പാര്‍ട്ടിയില്‍ വലിയ രീതിയില്‍ തലവേദന ആകുന്നതിനാല്‍ നേതൃത്വം അടിയന്തര ഇടപെടലുകളിലേക്കും കടക്കും. കൂടാതെ യോഗത്തില്‍ നിലവിലെ കോവിഡ് സാഹചര്യത്തില്‍ കൈക്കൊള്ളേണ്ട നടപടികളും ചര്‍ച്ചയാകും.
