തിരുവനന്തപുരം : ലോക്സഭാ തിരഞ്ഞെടുപ്പിലേറ്റ കനത്ത തിരിച്ചടിക്ക് കാരണം മുഖ്യമന്ത്രി പിണറായി വിജയന്റെ ‘വൺമാൻ ഷോ’ ആണെന്ന് സി.പി.എം തിരുവനന്തപുരം ജില്ലാ കമ്മിറ്റിയിൽ രൂക്ഷ വിമർശനം. തിരഞ്ഞെടുപ്പ് തോൽവിയെക്കുറിച്ച് ചർച്ച ചെയ്യാൻ ചേർന്ന യോഗത്തിലാണ് മുഖ്യമന്ത്രിക്കെതിരെ പാർട്ടി അംഗങ്ങൾ രംഗത്തെത്തിയത്. സംസ്ഥാന സെക്രട്ടറി എം.വി. ഗോവിന്ദന്റെ സാന്നിധ്യത്തിലാണ് ജില്ലയിലെ പരാജയം സംബന്ധിച്ച റിപ്പോർട്ട് ചർച്ച ചെയ്തത്.
മുഖ്യമന്ത്രിയുടെ പ്രവർത്തന ശൈലിയും ഏകപക്ഷീയമായ തീരുമാനങ്ങളും വോട്ടർമാരെ പാർട്ടിയിൽ നിന്ന് അകറ്റാൻ കാരണമായെന്ന് യോഗം വിലയിരുത്തി. ഭരണവിരുദ്ധ വികാരം വോട്ടെടുപ്പിൽ പ്രതിഫലിച്ചുവെന്നും, പാർട്ടിയിൽ തിരുത്തൽ നടപടികൾ ആവശ്യമാണെന്നും കമ്മിറ്റിയിൽ അഭിപ്രായമുയർന്നു.
