ആലപ്പുഴ : മൈക്രോ ഫിനാന്‍സ് ഫണ്ട് തട്ടിപ്പ് കേസില്‍ മുന്‍ യൂണിയന്‍ പ്രസിഡന്റും ഒന്നാം പ്രതിയുമായ സുഭാഷ് വാസുവിനെ ക്രൈംബ്രാഞ്ച് ചോദ്യം ചെയ്യുന്നു. കേസില്‍ മുന്‍കൂര്‍ ജാമ്യം നേടിയ ശേഷമാണ് സുഭാഷ് വാസു ചോദ്യം ചെയ്യലിന് ഹാജരായത്. ആലപ്പുഴ ക്രൈംബ്രാഞ്ച് ഓഫീസില്‍ വെച്ചാണ് ചോദ്യം ചെയ്യല്‍.
എസ്‌എന്‍ഡിപിയില്‍ വെള്ളാപ്പള്ളിയുടെ വിശ്വസ്തനായിരുന്ന സുഭാഷ് വാസു ബിഡിജെഎസ് സംസ്ഥാന സെക്രട്ടറിയായിരുന്നു. പിന്നീട് വെള്ളാപ്പള്ളിക്കെതിരെ തന്നെ ഗുരുതരമായ ആരോപണങ്ങളുമായി അദ്ദേഹം രംഗത്ത് വരികയായിരുന്നു.
