ചാരുംമൂട് : ചുനക്കര പഞ്ചായത്തിലെ ചൂരല്ലൂർ പാടശേഖരത്തിന്റെ തെക്കുകിഴക്ക് കൊട്ടാരത്തിമലയിൽ ഭാഗത്ത് 50 ഏക്കർ നെൽക്കൃഷി വെള്ളംകിട്ടാതെ കരിഞ്ഞുണങ്ങുന്നു. പാടശേഖരത്തിലെ പലഭാഗവും വെള്ളമില്ലാതെ വിണ്ടുകീറി. കുറത്തികാട് പോലീസ് സ്റ്റേഷനു സമീപമായി ഒരുവർഷം മുൻപു പൊട്ടിയ കെ.ഐ.പി. കനാൽ ശരിയാക്കാത്തതിനാലാണ് ഇവിടേക്കു വെള്ളം കിട്ടാത്തത്. കനാലിന്റെ വശത്ത് വിള്ളൽ വീണതുകാരണം ചാരുംമൂട്ടിൽനിന്ന്‌ ചുനക്കരയ്ക്കുള്ള ഉപകനാൽ അടച്ചിരിക്കുകയാണ്. താത്കാലിക സംവിധാനമൊരുക്കി ഒരാഴ്ച കനാൽവെള്ളം തുറന്നുവിട്ടെങ്കിലും കോൺക്രീറ്റുപണി തീരാത്തതിനാൽ വീണ്ടും അടച്ചു. കനാലിൽനിന്നുള്ള അടിയൂറ്റൽ വെള്ളംകൊണ്ടാണ് ചൂരല്ലൂർ തെക്കുപടിഞ്ഞാറെ പാടശേഖരത്തിൽ വെള്ളംകിട്ടുന്നത്. മോഹനൻപിള്ള, നോവൽരാജ്, എം.എം. ബിന്ദു, രാധാകൃഷ്ണപിള്ള, മേഘാരാജ്, ഉഷാദേവി, കുഞ്ഞമ്മ ദിവാകരൻ, വിഷ്ണു മോഹൻ, രാജേന്ദ്രക്കുറുപ്പ് തുടങ്ങിയവരാണ് പ്രധാന കർഷകർ. ചുനക്കര കൃഷി ഓഫീസും ചാരുംമൂട് കെ.ഐ.പി. ഓഫീസും ചുനക്കര പഞ്ചായത്ത് ഓഫീസുമായും ബന്ധപ്പെട്ടിട്ടും ഫലമുണ്ടായില്ലെന്നു കർഷകർ പറയുന്നു. കെ.ഐ.പി. കനാലിൽനിന്നു പാടശേഖരത്തിലേക്ക് ഉപകനാൽ നിർമിച്ച് വെള്ളമെത്തിക്കാൻ സൗകര്യമൊരുക്കണമെന്നും ആവശ്യപ്പെടുന്നു.
പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം
മലയാളത്തിലെ പ്രമുഖ ന്യൂസ് പോര്‍ട്ടലുകളില്‍ ഒന്നായ പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം. ഗൂഗിള്‍ മലയാളത്തില്‍ ടൈപ്പ് ചെയ്ത വാര്‍ത്തയോടൊപ്പം ഉചിതമായ ചിത്രവും നല്‍കേണ്ടതാണ്. വാര്‍ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്‍കണം. പത്രത്തില്‍ പ്രസിദ്ധീകരിച്ചതും കാലഹരണപ്പെട്ടതുമായ വാര്‍ത്തകള്‍ പ്രസിദ്ധീകരിക്കുന്നതല്ല. വാര്‍ത്തകള്‍ പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം എഡിറ്റോറിയല്‍ ബോര്‍ഡില്‍ നിക്ഷിപ്തമായിരിക്കും. രഹസ്യ സ്വഭാവമുള്ള വാര്‍ത്തകളും വിവരങ്ങളും ചീഫ് എഡിറ്റര്‍ക്ക് കൈമാറാം. ഇന്‍ഫോര്‍മറെക്കുറിച്ചുള്ള വിവരങ്ങള്‍ അതീവ രഹസ്യമായി സൂക്ഷിക്കുന്നതാണ്.
———————–
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍ 702555 3033/ mail – [email protected]
———————-
ചീഫ് എഡിറ്റര്‍ – 94473 66263, 85471 98263, 0468 2333033
