പത്തനംതിട്ട : കേന്ദ്ര സര്ക്കാര് അവതരിപ്പിച്ച ബജറ്റ് സാധാരണക്കാര്ക്ക് പ്രയോജനമില്ലാത്തതും ഇന്ത്യയിലെ അതിസമ്പന്നന്മാര്ക്ക് ആസ്തി വര്ദ്ധിപ്പിക്കുവാന് വേണ്ടി ഉള്ളതുമാണെന്ന് ഡി.സി.സി പ്രസിഡന്റ് പ്രൊഫ.സതീഷ് കൊച്ചുപറമ്പില് പറഞ്ഞു. പെട്രോളിയം ഉത്പന്നങ്ങളുടേയും നിത്യോപയോഗ സാധനങ്ങളുടേയും വില വര്ദ്ധനവ് മൂലം ദുരിതമനുഭവിക്കുന്ന ഇന്ത്യയിലെ സാധാരണ ജനങ്ങളുടേയും, വിലത്തകര്ച്ചകൊണ്ട് പൊറുതിമുട്ടിയ കര്ഷകരുടേയും താല്പര്യങ്ങള് സംരക്ഷിക്കുന്നതിന് കേന്ദ്ര ബജറ്റില് യാതൊരു നിര്ദ്ദേശങ്ങളും ഇല്ലാത്ത് ഖേദകരമാണെന്ന് ഡി.സി.സി പ്രസിഡന്റ് പറഞ്ഞു.
മലയോര പ്രദേശങ്ങള് ഉള്പ്പെടുന്ന പത്തനംതിട്ട ജില്ലയിലെ ജനങ്ങള് വരുമാനത്തിനുവേണ്ടി ആശ്രയിക്കുന്ന നാണ്യവിളകളുടേയും, റബ്ബറിന്റേയും വില വര്ദ്ധിപ്പിക്കുവാനും കോവിഡ് മൂലം പ്രതിസന്ധിയിലായ വ്യാപാരികള്ക്കും ചെറുകിട കച്ചവടക്കാര്ക്കും ആശ്വാസം നല്കുവാനും ബജറ്റില് നിര്ദ്ദേശങ്ങള് ഇല്ലാത്തത് പ്രതിഷേധാര്ഹമാണ്. കേരളത്തില് പൊതുവേയും ജില്ലയിലെ ജനങ്ങള്ക്കും പരിസ്ഥിതിക്കും പ്രത്യേകിച്ചും ദോഷം ചെയ്യുന്ന സില്വര്ലൈന് പദ്ധതി കേന്ദ്ര ബജറ്റില് പ്രഖ്യാപിക്കാതിരുന്നത് സ്വാഗതം ചെയ്യുന്നതായി ഡി.സി.സി പ്രസിഡന്റ് പ്രൊഫ.സതീഷ് കൊച്ചുപറമ്പില് പറഞ്ഞു.
