പത്തനംതിട്ട : സംസ്ഥാനത്തെ പ്രൊഫഷണൽ കോളജുകളിൽ ഉൾപ്പെടെ എല്ലാ വിഭാഗങ്ങളിലുമായി പഠനം നടത്തിക്കൊണ്ടിരിക്കുന്ന ആയിരക്കണക്കന് പട്ടികജാതി, പട്ടിക വർഗ്ഗ വിദ്യാർത്ഥികൾക്ക് സർക്കാർ വർഷംതോറും നല്കിക്കൊണ്ടിരിക്കുന്ന ലംമ്‌സം ഗ്രാന്റ് മുടങ്ങിക്കിടക്കുകയാണെന്നും ഇത് അടിയന്തിരമായി വിതരണം ചെയ്യണമെന്നും ഭാരതീയ ദളിത് കോൺഗ്രസ് ജില്ലാ പ്രവർത്തക യോഗം സംസ്ഥാന സർക്കാരിനോട് ആവശ്യപ്പെട്ടു. സർക്കാർ ഗ്രാന്റ് ലഭിക്കാത്തതുമൂലം വിദ്യാർത്ഥികൾ പഠനം മുന്നോട്ടുകൊണ്ടു പോകുവാൻ സാധിക്കാത്ത അവസ്ഥയാണെന്നും ഇത് അവഗണനയാണെന്നും യോഗം വ്യക്തമാക്കി.
മഴക്കാലം ആരംഭിച്ചതോടെ ജോലി ഇല്ലാത്തതുമൂലം കോളനികളിൽ ഉൾപ്പെടെ ദളിത് കുടുംബങ്ങൾ പട്ടിണിയിലാണ്. ഇത് പരിഹരിക്കുവാൻ പ്രത്യേകമായി അധിക സൗജന്യ, റേഷനും മറ്റ് സാമ്പത്തിക സഹായങ്ങളും ലഭ്യമാക്കണമെന്നും യോഗം ആവശ്യപ്പെട്ടു. കേരളത്തിൽ സാമൂഹ്യ നവോത്ഥാനത്തിന് നേതൃത്വം വഹിച്ച മഹാത്മാ അയ്യങ്കാളിയെ അവഹേളിച്ച നടപടിയിൽ ദലിത് കോൺഗ്രസ് ജില്ലാ പ്രവർത്തക യോഗം ശക്തമായ പ്രതിഷേധം രേഖപ്പെടുത്തി.
കുറ്റക്കാർക്കെതിരെ നിയമനടപടി സ്വീകരിച്ച് ശിക്ഷ ഉറപ്പാക്കണമെന്നും യോഗം സംസ്ഥാന സർക്കാരിനോടും മറ്റ് ബന്ധപ്പെട്ടവരോടും ആവശ്യപ്പെട്ടു. സംസ്ഥാന സർക്കാരുകളുടെ ദളിത് വിഭാഗങ്ങളോടുള്ള അവണനക്കെതിരെ ജൂലൈ 10-ന് പത്തനംതിട്ട സിവിൽ സ്റ്റേഷനു മുമ്പിൽ പ്രതിഷേധധർണ്ണ സംഘടിപ്പിക്കുന്നതിന് യോഗം തീരുമാനിച്ചു.
ജില്ലാ പ്രവർത്തക യോഗം ഡി.സി.സി ജനറൽ സെക്രട്ടറി സാമുവൽ കിഴക്കുപുറം ഉദ്ഘാടനം ചെയ്തു. ജില്ലാ പ്രസിസന്റ് പി.ജി ദിലീപ് കുമാർ അദ്ധ്യക്ഷത വഹിച്ചു. കർഷക കോൺഗ്രസ് ജില്ലാ പ്രസിഡന്റ് ടി.എച്ച് സിറാജുദ്ദീൻ, കോൺഗ്രസ് ന്യൂനപക്ഷ വിഭാഗം സംസ്ഥാന സെക്രട്ടറി ഷാജി കുളനട, ജില്ലാ സെക്രട്ടറി ജോസ് പള്ളിവാതുക്കൽ, ബി.ഡി.സി സംസ്ഥാന വൈസ് പ്രസിഡന്റ് മഞ്ജുവിശ്വനാഥ്, ജില്ലാ ഭാരവാഹികളായ എം.പി രാജു, സി.വി ശാന്തകുമാർ, കെ.എൻ രാജൻ, അജേഷ് അങ്ങാടിക്കൽ, ദീപുരാജ്, അനിൽ കൊച്ചുമൂഴിക്കൽ,കെ.എൻ മനോജ്, സൂരജ് മന്മഥൻ,അനിൽ മോളുത്തറ,ഷിനു മൈലപ്രാ എന്നിവർ പ്രസംഗിച്ചു.
പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം
മലയാളത്തിലെ പ്രമുഖ ന്യൂസ് പോര്‍ട്ടലുകളില്‍ ഒന്നായ പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം. ഗൂഗിള്‍ മലയാളത്തില്‍ ടൈപ്പ് ചെയ്ത വാര്‍ത്തയോടൊപ്പം ഉചിതമായ ചിത്രവും നല്‍കേണ്ടതാണ്. വാര്‍ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്‍കണം. പത്രത്തില്‍ പ്രസിദ്ധീകരിച്ചതും കാലഹരണപ്പെട്ടതുമായ വാര്‍ത്തകള്‍ പ്രസിദ്ധീകരിക്കുന്നതല്ല. വാര്‍ത്തകള്‍ പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം എഡിറ്റോറിയല്‍ ബോര്‍ഡില്‍ നിക്ഷിപ്തമായിരിക്കും. രഹസ്യ സ്വഭാവമുള്ള വാര്‍ത്തകളും വിവരങ്ങളും ചീഫ് എഡിറ്റര്‍ക്ക് കൈമാറാം. ഇന്‍ഫോര്‍മറെക്കുറിച്ചുള്ള വിവരങ്ങള്‍ അതീവ രഹസ്യമായി സൂക്ഷിക്കുന്നതാണ്.
———————–
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍ 702555 3033/ 0468 295 3033 / mail – [email protected]
———————-
ചീഫ് എഡിറ്റര്‍ – 94473 66263, 85471 98263, 0468 2333033
