ന്യൂഡല്‍ഹി : ഡല്‍ഹി മുനിസിപ്പല്‍ കോര്‍പ്പറേഷന്‍ തിരഞ്ഞെടുപ്പിലെ ബിജെപിയുടെ തോല്‍വിക്ക് പിന്നാലെ ബിജെപിയുടെ സംസ്ഥാന അധ്യക്ഷന്‍ ആദേശ് ഗുപ്ത സ്ഥാനമൊഴിഞ്ഞു. പാര്‍ട്ടി ദേശീയ അധ്യക്ഷന്‍ ജെപി നദ്ദയ്ക്ക് ആദേശ് ഗുപ്ത രാജിക്കത്ത് സമര്‍പ്പിച്ചതായാണ് വിവരം. ജെപി നദ്ദ രാജി അംഗീകരിച്ചുവെന്ന വിവരങ്ങളും പുറത്ത് വരുന്നുണ്ട്. എംസിഡി തിരഞ്ഞെടുപ്പില്‍ ആദേശ് ഗുപ്ത താമസിക്കുന്നിടത്ത് പോലും ബിജെപിക്ക് സീറ്റ് നേടാന്‍ കഴിഞ്ഞിരുന്നില്ല.
എംസിഡി തിരഞ്ഞെടുപ്പില്‍ 250 വാര്‍ഡുകളില്‍ 104 സീറ്റുകളാണ് ബിജെപി നേടിയത്. അരവിന്ദ് കെജ്രിവാളിന്‍റെ നേതൃത്വത്തിലുള്ള ആം ആദ്മി പാര്‍ട്ടി 134 സീറ്റുകളില്‍ വിജയിച്ചു. എംസിഡിയിലെ വാര്‍ഡ് നമ്പര്‍ 141-ലെ രാജേന്ദ്ര നഗറിലാണ് ആദേശ് ഗുപ്ത താമസിക്കുന്നത്. ആം ആദ്മി പാര്‍ട്ടിയുടെ ആരതി ചൗള ഇവിടെ നിന്ന് വിജയിച്ചു. അവസാനം വരെ ആദേശ് ഗുപ്ത തന്‍റെ വിജയം അവകാശപ്പെട്ടുകൊണ്ടിരുന്നുവെങ്കിലും ജയിക്കനായില്ല. അന്തിമ ഫലം വരുമ്പോള്‍ എല്ലാം വ്യക്തമാകുമെന്നും അദ്ദേഹം അവകാശപ്പെട്ടിരുന്നു.
മുനിസിപ്പല്‍ കോര്‍പ്പറേഷന്‍ തിരഞ്ഞെടുപ്പില്‍ ബി.ജെ.പി മത്സരിച്ചത് നിരവധി പ്രശ്നങ്ങളെ തരണം ചെയ്തുകൊണ്ടാണെന്ന് ആദേശ് ഗുപ്ത പറഞ്ഞിരുന്നു. 15 വര്‍ഷത്തിനു ശേഷവും ബിജെപിയുടെ പ്രകടനം മികച്ചതായിരുന്നു എന്നും ഗുപ്ത അവകാശപ്പെട്ടു. ഡല്‍ഹിയിലെ ജനങ്ങള്‍ ബിജെപിയില്‍ വിശ്വാസം പ്രകടിപ്പിക്കുന്നുണ്ടെന്നും ആം ആദ്മി പാര്‍ട്ടിക്ക് മുഴുവന്‍ പിന്തുണയും ജനം നല്‍കി എന്നുള്ള പ്രതികരണങ്ങള്‍ അസത്യമാണെന്നും ബിജെപി നേതാവ് പറഞ്ഞു.
ജേര്‍ണലിസം പഠിച്ചവര്‍ക്ക് ഇന്റേൺഷിപ്പ്
പ്രമുഖ ഓണ്‍ ലൈന്‍ ന്യൂസ് പോര്‍ട്ടല്‍ ആയ പത്തനംതിട്ട മീഡിയയില്‍ ജേര്‍ണലിസം പഠിച്ചവര്‍ക്ക് ഇന്റേൺഷിപ്പ് ചെയ്യുവാന്‍ അവസരം. പത്തനംതിട്ട ഓഫീസില്‍ ആയിരിക്കും ഇന്റേൺഷിപ്പ് നല്‍കുക. പരിശീലന കാലത്ത് തങ്ങളുടെ കഴിവ് തെളിയിക്കുന്നവര്‍ക്ക് Eastindia Broadcasting Pvt. Ltd. ന്റെ കീഴിലുള്ള Pathanamthitta Media , News Kerala 24 എന്നീ ചാനലുകളില്‍ വെബ്‌ ജേര്‍ണലിസ്റ്റ്, അവതാരകര്‍, റിപ്പോര്‍ട്ടര്‍ തുടങ്ങിയ തസ്തികകളില്‍ ജോലി ലഭിക്കുന്നതിന് മുന്‍ഗണനയുണ്ടായിരിക്കും. താല്‍പ്പര്യമുള്ളവര്‍ ബയോഡാറ്റ മെയില്‍ ചെയ്യുക. [email protected] കൂടുതല്‍ വിവരങ്ങള്‍ക്ക് വിളിക്കാം – 94473 66263, 85471 98263, 0468 2333033.
