ന്യൂഡല്‍ഹി: സംഘ്പരിവാര്‍ നേതൃത്വത്തില്‍ വടക്കുകിഴക്കന്‍ ഡല്‍ഹിയിലുണ്ടായ അക്രമത്തിനിടെ മുസ്ലിം പള്ളിയുടെ മിനാരത്തില്‍ അക്രമികള്‍ കെട്ടിയ കാവി കൊടി ഹിന്ദു യുവാവ് അഴിച്ചുമാറ്റി. രവി എന്ന യുവാവാണ് കൊടി അഴിച്ചത്. അശോക് നഗറിലെ ബഡി മസ്ജിദിന്റെ മിനാരത്തില്‍ കെട്ടിയ കൊടിയാണ് യുവാവ് അഴിച്ചുമാറ്റിയത്. ‘നമ്മുടെ ഹിന്ദു സഹോദരനായ നല്ല ഒരു യുവാവാണ് പള്ളിക്കു മുകളില്‍ കെട്ടിയിരുന്ന കൊടി അഴിക്കുന്നത്. വളരെ നല്ല കാര്യമാണ്.
ഇവിടം ഇപ്പോള്‍ ശാന്തമാണ്. അക്രമത്തിനിടയില്‍ പലായനം ചെയ്ത മുസ്ലിം സഹോദരങ്ങളെ എല്ലാവരും ചേര്‍ന്ന് സ്വീകരിച്ചു. പള്ളിക്കുമേല്‍ പതാക കെട്ടുന്നത് നിങ്ങളെല്ലാവരും കണ്ടുകാണും. രവി എന്ന യുവാവ് ഇപ്പോള്‍ അത് അഴിച്ചുമാറ്റുകയാണ്. സ്‌നേഹ സാഹോദര്യങ്ങളുടെ സന്ദേശമാണിത്.’ – ദൃശ്യം പകര്‍ത്തിയയാള്‍ പറയുന്നു.വടക്കു കിഴക്കന്‍ ഡല്‍ഹിയില്‍ സംഘ്പരിവാര്‍ നേതൃത്വത്തില്‍ നടന്ന കലാപത്തില്‍ 46 പേര്‍ കൊല്ലപ്പെടുകയും 200ലേറെ പേര്‍ക്ക് പരിക്കേല്‍ക്കുകയും ചെയ്തിരുന്നു.
വീഡിയോ കാണാം
https://youtu.be/qKKZTCOUq6U?t=7
https://twitter.com/KhaledBeydoun/status/1234333773539487744
