ഡൽഹി: മദ്യനയ അഴിമതി കേസിൽ ബിആർഎസ് നേതാവ് കെ കവിത എൻഫോഴ്‌സ്‌മെന്റ് ഡയറക്ടറേറ്റിന് മുന്നിൽ ഹാജരായില്ല. വിഷയത്തിൽ കള്ളപ്പണം വെളുപ്പിക്കലുമായി ബന്ധപ്പെട്ട് ഇഡി ഒരു തവണ കവിതയെ ചോദ്യം ചെയ്തിരുന്നു. തുടരന്വേഷണത്തിനായി ഇന്ന് ഹാജരാകണമെന്നാവശ്യപ്പെട്ട് ഇഡി കവിതക്ക് സമൻസ് അയച്ചിരുന്നു.
എന്നാൽ വിഷയം ഇപ്പോൾ സുപ്രീം കോടതിയുടെ പരിഗണനയിലാണെന്നും കേസിന്റെ തുടർനടപടികൾ നടക്കുന്നതിന് മുമ്പ് കോടതി വിധി വരേണ്ടതുണ്ടെന്നും തന്റെ നിയമ സംഘം മുഖേന കവിത ഇഡിയെ അറിയിച്ചു. കേസിൽ അന്വേഷണ ഏജൻസി ആവശ്യപ്പെട്ട രേഖകളെല്ലാം തന്റെ നിയമ പ്രതിനിധി മുഖേന അയച്ചിട്ടുണ്ടെന്നും കവിത പറഞ്ഞു.
അന്വേഷണത്തിൽ താൻ തൃപ്തയല്ലെന്നും അന്വേഷണത്തിന് നിയമത്തിന്റെ പവിത്രതയില്ലെന്നും സ്വതന്ത്രവും നീതിയുക്തവും നിഷ്പക്ഷവുമായ അന്വേഷണം നടക്കുന്നില്ലെന്നും കവിത കുറ്റപ്പെടുത്തി. മാർച്ച് 11 ന് കവിത അന്വേഷണ ഏജൻസിക്ക് മുമ്പാകെ ഹാജരായിരുന്നു. കേസില്‍ 9 മണിക്കൂര്‍ നീണ്ട ചോദ്യം ചെയ്യലിന് ശേഷമാണ് ബിആര്‍എസ് നേതാവും തെലങ്കാന മുഖ്യമന്ത്രി കെ ചന്ദ്രശേഖര്‍ റാവുവിന്റെ മകളുമായ കെ കവിതയെ വിട്ടയച്ചത്. മാർച്ച് 20ന് ഹാജരാകണമെന്നാവശ്യപ്പെട്ട് കെ കവിതയ്ക്ക് ഇഡി പുതിയ സമൻസ് അയച്ചിട്ടുണ്ട്.
പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം
മലയാളത്തിലെ പ്രമുഖ ന്യൂസ് പോര്‍ട്ടലുകളില്‍ ഒന്നായ പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം. ഗൂഗിള്‍ മലയാളത്തില്‍ ടൈപ്പ് ചെയ്ത വാര്‍ത്തയോടൊപ്പം ഉചിതമായ ചിത്രവും നല്‍കേണ്ടതാണ്. വാര്‍ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്‍കണം. പത്രത്തില്‍ പ്രസിദ്ധീകരിച്ചതും കാലഹരണപ്പെട്ടതുമായ വാര്‍ത്തകള്‍ പ്രസിദ്ധീകരിക്കുന്നതല്ല. വാര്‍ത്തകള്‍ പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം എഡിറ്റോറിയല്‍ ബോര്‍ഡില്‍ നിക്ഷിപ്തമായിരിക്കും. രഹസ്യ സ്വഭാവമുള്ള വാര്‍ത്തകളും വിവരങ്ങളും ചീഫ് എഡിറ്റര്‍ക്ക് കൈമാറാം. ഇന്‍ഫോര്‍മറെക്കുറിച്ചുള്ള വിവരങ്ങള്‍ അതീവ രഹസ്യമായി സൂക്ഷിക്കുന്നതാണ്.
———————–
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍ 702555 3033/ 0468 295 3033 / mail – [email protected]
———————-
ചീഫ് എഡിറ്റര്‍ – 94473 66263, 85471 98263, 0468 2333033
