പത്തനംതിട്ട : ചെങ്ങന്നൂർ – പത്തനംതിട്ട ഓർഡിനറി ചെയിൻ സർവീസ് പുനരാരംഭിക്കണമെന്ന ആവശ്യം ശക്തമാകുന്നു. കെ.എസ്.ആർ.ടി.സി ഡിപ്പോയുടെ ഏഴും, പത്തനംതിട്ട ഡിപ്പോയുടെ അഞ്ചും വീതം ഓർഡിനറി ബസുകൾ ഉപയോഗിച്ച് ചെങ്ങന്നൂർ റെയിൽവേ സ്റ്റേഷനെയും പത്തനംതിട്ട നഗരത്തെയും ബന്ധിപ്പിച്ച് നടത്തി വന്നിരുന്ന സർവീസായിരുന്നു ചെങ്ങന്നൂർ റെയിൽവെ – പത്തനംതിട്ട ഓർഡിനറി ചെയിൻ. കൊവിഡിന് വളരെ മുൻപ് തന്നെ ഈ സർവീസുകൾ പേരിന് മത്രമായാണ് ഓടിയിരുന്നത്. കൊവിഡ് ലോക്ക് ഡൗണിന് ശേഷം ഈ സർവീസുകളുടെ തകർച്ച പൂർണ്ണമായി. ചെങ്ങന്നൂർ റയിൽവേ സ്റ്റേഷനിൽ വന്നിറങ്ങുന്നവർക്ക് പ്രയോജനമായിരുന്നു ഈ സർവീസുകൾ. നാളിതുവരെ ചെങ്ങന്നൂർ ഡിപ്പോയും പത്തനംതിട്ട ഡിപ്പോയും ബസ് സർവീസ് പുനരാരംഭിക്കാത്തത് യാത്രാ ക്ലേശം രൂക്ഷമാക്കിയിരിക്കുകയാണ്. ചെങ്ങന്നൂർ റയിൽവേ സ്റ്റേഷനിൽ നിന്ന് രാവിലെ ആറിന് തുടങ്ങി 15 മിനിട്ട് ഇടവിട്ട് രാത്രി 9.30ന് സ്റ്റേ സർവീസുൾപ്പെടെ പത്തനംതിട്ടയിലേക്ക് ചെങ്ങന്നൂർ ഡിപ്പോയുടെ ഏഴ് ബസുകളുപയോഗിച്ച് 35 ലധികം സർവീസുകൾ നടത്തിയിരുന്നു. വന്ദേ ഭാരത് എക്‌സ്പ്രസ്സിന് ചെങ്ങന്നൂരിൽ സ്റ്റോപ്പ് അനുവദിച്ച സാഹചര്യം കൂടി കണക്കിലെടുത്ത് ഈ സർവീസുകൾ എത്രയും വേഗം പുനരാരംഭിക്കാൻ വേണ്ട നടപടികൾ സ്വീകരിക്കാൻ അധികൃതർ മുൻകൈയെടുക്കണമെന്ന ആവശ്യം ശക്തമാണ്.
പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം
മലയാളത്തിലെ പ്രമുഖ ന്യൂസ് പോര്‍ട്ടലുകളില്‍ ഒന്നായ പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം. ഗൂഗിള്‍ മലയാളത്തില്‍ ടൈപ്പ് ചെയ്ത വാര്‍ത്തയോടൊപ്പം ഉചിതമായ ചിത്രവും നല്‍കേണ്ടതാണ്. വാര്‍ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്‍കണം. പത്രത്തില്‍ പ്രസിദ്ധീകരിച്ചതും കാലഹരണപ്പെട്ടതുമായ വാര്‍ത്തകള്‍ പ്രസിദ്ധീകരിക്കുന്നതല്ല. വാര്‍ത്തകള്‍ പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം എഡിറ്റോറിയല്‍ ബോര്‍ഡില്‍ നിക്ഷിപ്തമായിരിക്കും. രഹസ്യ സ്വഭാവമുള്ള വാര്‍ത്തകളും വിവരങ്ങളും ചീഫ് എഡിറ്റര്‍ക്ക് കൈമാറാം. ഇന്‍ഫോര്‍മറെക്കുറിച്ചുള്ള വിവരങ്ങള്‍ അതീവ രഹസ്യമായി സൂക്ഷിക്കുന്നതാണ്.
———————–
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍ 702555 3033/ 0468 295 3033 / mail – [email protected]
———————-
ചീഫ് എഡിറ്റര്‍ – 94473 66263, 85471 98263, 0468 2333033
