പത്തനംതിട്ട : ലീഡർ കെ. കരുണാകരന്റെ 102 -ാം ജന്മവാർഷികദിനത്തോടനുബന്ധിച്ച് ദേശീയ കായികവേദിയുടെ നേതൃത്വത്തിൽ പഠിക്കാൻ സമർത്ഥരായ വിദ്യാർത്ഥികൾക്ക് ഓൺലൈൻ പഠനത്തിന് ടി.വികള്‍ നല്‍കി. ജില്ലാ പ്രസിഡൻറ് സലിം പി. ചാക്കോ ടി.വിയുടെ വിതരണം ഉദ്ഘാടനം ചെയ്തു.
കെ. കരുണാകരൻ ജന്മദിനാഘോഷം ഐ.എൻ.റ്റി.യു.സി ജില്ല ജനറൽ സെക്രട്ടറി പി.കെ.ഗോപി ഉദ്ഘാടനം ചെയ്തു. ചടങ്ങിൽ കെ.ആർ. അജിത്ത് കുമാർ അദ്ധ്യക്ഷത വഹിച്ചു. മണ്ഡലം പ്രസിഡന്റ് മാത്യു തോമസ് , കേരള കോ-ഓപ്പറേറ്റീവ് എംപ്ലോയിസ് ഫ്രണ്ട് സംസ്ഥാന പ്രസിഡന്റ് ജോഷ്വാ മാത്യൂ , എസ്. അഫ്സൽ , അജിത്ത് മണ്ണിൽ , പി.കെ. പീതാംബരൻ, കെ.പി മാത്തുക്കുട്ടി ,ബാബു തുടങ്ങിയവർ പ്രസംഗിച്ചു.
