ആഭരണങ്ങള്‍ അണിയാനായി അടുത്ത ജന്മത്തില്‍ പെണ്ണായി ജനിക്കണമെന്ന് നടൻ സുരേഷ് ഗോപി. തന്റെ കയ്യില്‍ ഒരുപാട് ആഭരണങ്ങളുണ്ടെന്നാണ് താരം പറയുന്നത്. മകളുടെ വിവാഹത്തിന് അണിയാൻ മുത്തുമാല വാങ്ങി നല്‍കാമെന്ന് ഭാര്യ പറഞ്ഞിട്ടുണ്ടെന്നും മാധ്യമത്തിന് നല്‍കിയ അഭിമുഖത്തില്‍ സുരേഷ് ഗോപി പറഞ്ഞു. എന്റെ കയ്യില്‍ ഒരുപാട് ആഭരണങ്ങള്‍ ഉണ്ട്. ഈ ഒരു മോതിരം എന്റെ മകളില്‍നിന്ന് അടിച്ചു മാറ്റിയതാണ്. എന്റെ നല്ല ദിവസങ്ങളില്‍ ഈ മോതിരം ഉണ്ടായിട്ടുണ്ട്. എന്റെ ചിന്തയെയും നല്ല സംസാരത്തെയും ഈ മോതിരം സഹായിച്ചിട്ടുണ്ട്. ഇപ്പോള്‍ ദുബായില്‍ നിന്ന് വിമാനത്തില്‍ വരുമ്പോള്‍ എന്റെ സീറ്റിന്റെ ഇടയിലേക്ക് മോതിരം വീണു. കുറച്ചുകഴിഞ്ഞു ഒരാള്‍ അത് എടുത്തു തരികയും ചെയ്തു. പക്ഷേ അത്രയും നേരം എനിക്ക് വല്ലാത്ത വീര്‍പ്പുമുട്ടലായിരുന്നു. അപ്പോള്‍ ഞാൻ തീരുമാനിച്ചു ഈ മോതിരം ഇനി ലോക്കറില്‍ സൂക്ഷിക്കണം..- സുരേഷ് ഗോപി പറഞ്ഞു.
ഈ ആഭരണങ്ങളൊക്കെ അണിയാൻ അടുത്ത ജന്മത്തില്‍ എങ്കിലും പെണ്ണായി ജനിക്കാനാണ് ആഗ്രഹം എന്നാണ് താരം പറയുന്നത്. പെണ്‍മക്കളും ഭാര്യയും ഒക്കെ വാങ്ങുന്ന ആഭരണങ്ങള്‍ കാണുമ്പോള്‍ ഭയങ്കര കൊതിയാണ് അതൊക്കെ ഇട്ട് നടക്കാൻ. അപ്പോഴെന്റെ ഭാര്യ പറഞ്ഞു മകളുടെ കല്യാണത്തിനൊക്കെ വേണമെങ്കില്‍ വലിയ പേളിന്റെ ഒക്കെ ആഭരണം ഇടാം എന്ന്. ഇതൊക്കെ ഇപ്പോള്‍ നോര്‍ത്ത് ഇന്ത്യൻ കള്‍ച്ചറിന്റെ ഒരു ഭാഗമാണ് എന്നൊക്കെ. പെണ്ണുങ്ങളുടെ ആഭരണങ്ങള്‍ ഒക്കെ ഇപ്പോള്‍ പുരുഷന്മാരും ഇടാറുണ്ടെന്ന് ഭാര്യ പറഞ്ഞു. ചിലപ്പോള്‍ ഞാൻ അതൊക്കെ ഇടും, അതൊന്നും പറയാൻ പറ്റില്ല.- താരം വ്യക്തമാക്കി.
പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263 mail – [email protected] എന്നിവ മാത്രം ഉപയോഗിക്കുക. മറ്റുള്ള വാട്സ് ആപ്പ് നമ്പരുകളിലും മെയിലിലും വരുന്നവ സ്വീകരിക്കുന്നതല്ല. വാര്‍ത്തയോടൊപ്പം ഒരു ചിത്രം ഉണ്ടായിരിക്കണം. ഗൂഗിള്‍ മലയാളത്തില്‍ ടൈപ്പ് ചെയ്ത് വാര്‍ത്തകള്‍ നല്‍കണം. വാര്‍ത്തകള്‍ നല്‍കുമ്പോള്‍ എല്ലാ നമ്പരുകളിലും മെയിലുകളിലും നല്‍കാതെ ഒരിടത്തുമാത്രം നല്‍കുക. ചീഫ് എഡിറ്ററുമായി ബന്ധപ്പെടുവാന്‍ 94473 66263, 85471 98263, 0468 2333033 എന്നീ നമ്പരുകള്‍ ഉപയോഗിക്കുക.
