കറികള്‍ക്കോ മറ്റ് വിഭവങ്ങള്‍ക്കോ രുചിയോ ഫ്ളേവറോ കൂട്ടുന്നതിനാണ് നാം അധികവും മല്ലിയില ഉപയോഗിക്കാറ്. പലര്‍ക്കും മല്ലിയിലയ്ക്ക് ഒരുപാട് ആരോഗ്യഗുണങ്ങളുണ്ട് എന്നതിനെ കുറിച്ച് അറിയുക പോലുമില്ല എന്നതാണ് സത്യം. സത്യമാണ്, മല്ലിയിലയ്ക്ക് പല ആരോഗ്യഗുണങ്ങളുമുണ്ട്. ഇത്തരത്തില്‍ മല്ലിയില നമുക്കേകുന്ന ഏറ്റവും പ്രധാനപ്പെട്ട അഞ്ച് ഗുണങ്ങളെ കുറിച്ചാണിനി പങ്കുവെയ്ക്കുന്നത്.
പ്രമേഹത്തിന്…
പ്രമേഹരോഗികളെ സംബന്ധിച്ചിടത്തോളം അവര്‍ക്ക് പ്രമേഹം അഥവാ രക്തത്തിലെ ഷുഗര്‍നില നിയന്ത്രിക്കുന്നതിന് മല്ലിയില സഹായിക്കും. മല്ലിയിലയിലുള്ള ചില എൻസൈമുകളാണത്രേ ഇതിന് സഹായിക്കുന്നത്. മല്ലിയിലയിട്ട വെള്ളം കുടിക്കുന്നതാണ് ഇതിന് ഏറ്റവും ഉത്തമം. മറ്റൊന്നും ചെയ്യാനില്ല. കുടിക്കാനുള്ള വെള്ളം സൂക്ഷിച്ചിരിക്കുന്ന പാത്രത്തില്‍ ഇത്തിരി മല്ലിയില ഇട്ടുവെയ്ക്കുക. ഇത് ദിവസം മുഴുവൻ അല്‍പാല്‍പമായി കുടിക്കാമല്ലോ.
പ്രതിരോധശേഷി…
നമ്മെ അസുഖങ്ങളില്‍ നിന്നും ആരോഗ്യപ്രശ്നങ്ങളില്‍ നിന്നും സംരക്ഷിക്കുന്നത് നമ്മുടെ രോഗ പ്രതിരോധ വ്യവസ്ഥയാണല്ലോ. ഇതിന് ശക്തി പകരുന്നതിനും മല്ലയിലയ്ക്ക് സാധിക്കും. മല്ലിയിലയിലുള്ള ആന്‍റി-ഓക്സിഡന്‍റ്സ് ആണ് ഇതിന് സഹായിക്കുന്നത്.
ചര്‍മ്മത്തിന്…
നമ്മുടെ ചര്‍മ്മത്തിന്‍റെ ആരോഗ്യം മെച്ചപ്പെടുത്തുന്നതിനും മല്ലിയില ഉപകാരപ്രദമാണ്. ആസിഡ് അളവ് ശരീരത്തില്‍ കൂടുന്നത് മൂലം ചര്‍മ്മത്തിനുണ്ടാകുന്ന പ്രശ്നങ്ങളകറ്റുന്നതിനാണ് പ്രധാനമായും മല്ലിയില സഹായിക്കുന്നത്.
ദഹനത്തിന്…
ധാരാളം പേര്‍ പതിവായിത്തന്നെ നേരിടുന്നൊരു പ്രശ്നമാണ് ദഹനക്കുറവ്. ഇത് പരിഹരിക്കുന്നതിനും ഒരളവ് വരെ മല്ലിയില സഹായിക്കുന്നു. മല്ലിയിലയില്‍ ഫൈബര്‍ നല്ലതുപോലെ അടങ്ങിയിട്ടുള്ളതാണ്. ഇതാണ് ദഹനപ്രശ്നങ്ങള്‍ പരിഹരിക്കുന്നതിന് സഹായിക്കുന്നത്.
ഹൃദയത്തിന്…
ഹൃദയാരോഗ്യം സംരക്ഷിക്കുന്നതിനും മല്ലിയില സഹായകമാണ്. ശരീരത്തില്‍ നിന്ന് അധികമുള്ള സോഡിയത്തെ പുറന്തള്ളുന്നതിന് മല്ലിയില സഹായിക്കുന്നു. ഇത് ബിപി, കൊളസ്ട്രോള്‍ സാധ്യതകളെ പ്രതിരോധിക്കുകയോ അല്ലെങ്കില്‍ ഇവ നിയന്ത്രിക്കാൻ സഹായിക്കുകയോ ചെയ്യുന്നു. ഇതിലൂടെയാണ് മല്ലിയില ഹൃദയത്തിനും ഗുണകരമാകുന്നത്.
പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം
മലയാളത്തിലെ പ്രമുഖ ന്യൂസ് പോര്‍ട്ടലുകളില്‍ ഒന്നായ പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം. ഗൂഗിള്‍ മലയാളത്തില്‍ ടൈപ്പ് ചെയ്ത വാര്‍ത്തയോടൊപ്പം ഉചിതമായ ചിത്രവും നല്‍കേണ്ടതാണ്. വാര്‍ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്‍കണം. പത്രത്തില്‍ പ്രസിദ്ധീകരിച്ചതും കാലഹരണപ്പെട്ടതുമായ വാര്‍ത്തകള്‍ പ്രസിദ്ധീകരിക്കുന്നതല്ല. വാര്‍ത്തകള്‍ പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം എഡിറ്റോറിയല്‍ ബോര്‍ഡില്‍ നിക്ഷിപ്തമായിരിക്കും. രഹസ്യ സ്വഭാവമുള്ള വാര്‍ത്തകളും വിവരങ്ങളും ചീഫ് എഡിറ്റര്‍ക്ക് കൈമാറാം. ഇന്‍ഫോര്‍മറെക്കുറിച്ചുള്ള വിവരങ്ങള്‍ അതീവ രഹസ്യമായി സൂക്ഷിക്കുന്നതാണ്.
———————–
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍ 702555 3033/ 0468 295 3033 / mail – [email protected]
———————-
ചീഫ് എഡിറ്റര്‍ – 94473 66263, 85471 98263, 0468 2333033
