ദില്ലി: ഡോ വന്ദന ദാസ് കൊല്ലപ്പെട്ട സംഭവത്തില് സംസ്ഥാന പോലീസിനെയടക്കം രൂക്ഷമായി വിമര്ശിച്ച് ദേശീയ വനിതാ കമ്മീഷന് അധ്യക്ഷ രേഖാ ശര്മ്മ. ഡോ.വന്ദന ദാസിന്റെ കൊലപാതകത്തില് പോലീസ് സംഭവ സമയത്ത് ഇടപെട്ടതില് പ്രശ്നങ്ങളുണ്ടെന്ന് അവര് പറഞ്ഞു. വന്ദനയെ രക്ഷിക്കാന് ഒരുശ്രമവും ആരുടെയും ഭാഗത്ത് നിന്നും ഉണ്ടായില്ലെന്നും അവര് പറഞ്ഞു. അക്രമിക്കപ്പെട്ട ആശുപത്രിയില് പ്രാഥമിക ചികിത്സ പോലും വന്ദനയ്ക്ക് നല്കിയില്ല. ഇത്രയധികം ദൂരം വന്ദനയ്ക്ക് ചികിത്സ നല്കാന് കൊണ്ടുപോയത് ആരുടെ തീരുമാനമായിരുന്നുവെന്നും അവര് ചോദിച്ചു.
പോലീസിന് ഒരു പെണ്കുട്ടിയെ പോലും രക്ഷിക്കാന് കഴിഞ്ഞില്ലെന്ന് അവര് കുറ്റപ്പെടുത്തി. പോലീസ് അന്വേഷണത്തില് വന്ദനയുടെ മാതാപിതാക്കള്ക്ക് പരാതിയുണ്ട്. സിബിഐ അന്വേഷണം മാതാപിതാക്കള് ആവശ്യപ്പെടുന്നു. ഒരു കോടി രൂപ കുടുംബം ധനസഹായം ആവശ്യപ്പെട്ടുവെന്നത് തെറ്റായ കാര്യമാണ്.
