കൊച്ചി: വൈദ്യപരിശോധനയ്ക്ക് എത്തിച്ച പ്രതിയുടെ ആക്രമണത്തില് കൊല്ലപ്പെട്ട ഡോക്ടര് വന്ദന ദാസിന്റെ പിതാവ് മോഹന്ദാസ് സമര്പ്പിച്ച ഹര്ജി ഹൈക്കോടതി ഇന്നു പരിഗണിക്കും. വന്ദനയുടെ കൊലപാതകം സിബിഐ അന്വേഷിക്കണമെന്നാണ് ഹര്ജിയിലെ പ്രധാന ആവശ്യം. അന്വേഷണത്തില് വീഴ്ചയുണ്ടെന്നും കേസ് സിബിഐയ്ക്ക് കൈമാറണമെന്നുമാണ് വന്ദനയുടെ മാതാപിതാക്കള് വ്യക്തമാക്കുന്നത്. ഹൈക്കോടതി സിംഗിൾ ബെഞ്ച് ഹര്ജിയില് വിശദമായ വാദം കേള്ക്കും.
അതേസമയം, കുറ്റപത്രം നല്കിയ കേസില് സിബിഐ അന്വേഷണം ആവശ്യമില്ലെന്നാണ് സര്ക്കാര് നിലപാട് അറിയിച്ചത്. നിലവിലുളള അന്വേഷണം കാര്യക്ഷമമാണെന്നും സര്ക്കാര് കോടതിയില് വ്യക്തമാക്കിയിട്ടുണ്ട്. കേസിലെ വിചാരണയ്ക്ക് സ്പെഷല് പബ്ലിക് പ്രൊസിക്യൂട്ടറെ നിയമിക്കാമെന്ന് സര്ക്കാര് ഡോ. വന്ദനയുടെ മാതാപിതാക്കളെ അറിയിച്ചിരുന്നു.
