കൊച്ചി : ഒരിറ്റ് വെള്ളത്തിനായുള്ള കൊച്ചിക്കാരുടെ നെട്ടോട്ടം തുടരുന്നു. പൈപ്പ് വഴിയുള്ള ജലവിതരണം തടസപ്പെട്ട പശ്ചിമകൊച്ചി,ചെല്ലാനം, കുമ്പളങ്ങി പഞ്ചായത്തുകളിലെ ഉള്‍പ്രദേശങ്ങളിലേക്ക് ചെറിയ ടാങ്കറുകളില്‍ വെള്ളമെത്തിക്കുമെന്ന അധികൃതരുടെ വാഗ്ദാനവും പൂര്‍ണതോതില്‍ നടപ്പായില്ല. ശുദ്ധജലക്ഷാമം തുടരുന്ന കൊച്ചിയുടെ പടിഞ്ഞാറന്‍ മേഖല പകര്‍ച്ചവ്യാധി ഭീതിയിലുമാണ്.
പ്രാഥമികാവശ്യങ്ങള്‍ക്കടക്കം പൊതുടാപ്പിലൂടെയെത്തുന്ന വെള്ളത്തെ ആശ്രയിക്കേണ്ടി വരുന്നവരാണ് ചെല്ലാനം, കുമ്പളങ്ങി പഞ്ചായത്തുകളിലെ ജനങ്ങള്‍. പ്രധാനപാതയോരങ്ങളോട് ചേര്‍ന്നുള്ള കുടുംബങ്ങള്‍ക്ക് മാത്രമാണ് കുടിവെള്ള ടാങ്കറുകളിലെത്തിക്കുന്ന വെള്ളം കിട്ടുന്നത്. ഉള്‍പ്രദേശങ്ങളിലേക്ക് ഇന്നും ടാങ്കര്‍ലോറികളെത്തിയില്ല. മട്ടാഞ്ചേരി ഫോര്‍ട്ട്കൊച്ചി മുണ്ടംവേലി പള്ളുരുത്തി തുടങ്ങി കൊച്ചി കോര്‍പ്പറേഷനിലെ 21 ഡിവിഷനുകളിലും കുടിവെള്ള ക്ഷാമം തുടരുകയാണ്. ഈ ഭാഗങ്ങളില്‍ നിന്ന് വയറിളക്ക രോഗങ്ങളുമായി ചികിത്സതേടുന്നവരുടെ എണ്ണവും കൂടുകയാണ്. ടാങ്കറുകളില്‍ വെള്ളമെത്തിക്കണമെന്ന് ആവശ്യപ്പെട്ട് നസ്റത്ത് പള്ളിയുടെ നേതൃത്വത്തില്‍ ഇടവകക്കാര്‍ കരുവേലിപ്പടി പമ്പ് ഹൗസിന് മുന്‍പില്‍ അരിവറുത്ത് പ്രതിഷേധിച്ചു. പാഴൂര്‍ പമ്പ് ഹൗസിലെ മൂന്ന് മോട്ടോറുകള്‍ തകരാറിലായതോടെയാണ് അഞ്ച് ലക്ഷത്തോളം വരുന്ന ജനങ്ങള്‍ പൂര്‍ണദുരിതത്തിലായത്.
ന്യുസ് ചാനലില്‍ ബിസിനസ് ഡെവലപ്മെന്റ് മാനേജരുടെ ഒഴിവുകള്‍
Eastindia Broadcasting Pvt. Ltd. ന്റെ ഉടമസ്ഥതയിലുള്ള പ്രമുഖ ഓണ്‍ലൈന്‍ ന്യൂസ് ചാനല്‍ ആയ പത്തനംതിട്ട മീഡിയായില്‍ ബിസിനസ് ഡെവലപ്മെന്റ് മാനേജരുടെ ഒഴിവുകളുണ്ട് . യോഗ്യരായ ഉദ്യോഗാര്‍ത്ഥികളില്‍ നിന്നും അപേക്ഷകള്‍ ക്ഷണിക്കുന്നു. ഏതെങ്കിലും മാധ്യമ സ്ഥാപനത്തിന്റെ പരസ്യ വിഭാഗത്തില്‍ മുന്‍പരിചയം അഭികാമ്യം. പത്തനംതിട്ടയിലെ ഓഫീസ് കേന്ദ്രീകരിച്ചായിരിക്കും ജോലി. 18000 രൂപാ പ്രതിമാസ ശമ്പളവും 5000 രൂപാ യാത്രാ ചെലവും ലഭിക്കും. കൂടാതെ നിശ്ചിത നിരക്കില്‍ കമ്മീഷനും ലഭിക്കും. താല്‍പ്പര്യമുള്ളവര്‍ പാസ്പോര്‍ട്ട് സൈസ് ഫോട്ടോ സഹിതം വിശദമായ ബയോഡാറ്റാ മെയില്‍ ചെയ്യുക. [email protected] കൂടുതല്‍ വിവരങ്ങള്‍ക്ക് 94473 66263, 85471 98263, 0468 2333033 എന്നീ നമ്പരുകളില്‍ ബന്ധപ്പെടാം.
