കോഴഞ്ചേരി : കുട്ടികളെ ആവേശ ഭരിതരാക്കി ഡ്രോണ്‍ പരിശീലന പറക്കല്‍. ജില്ലയിലെ പൈലറ്റ്‌ സ്‌കില്‍ ഡെവലപ്പ്‌മെന്റ്‌ സെന്ററായ ആറന്മുള ഗവണ്‍മെന്‍റ് വൊക്കേഷണല്‍ ഹയര്‍ സെക്കന്ററി സ്‌കൂളില്‍ നടക്കുന്ന ഡ്രോണ്‍ സര്‍വീസ്‌ ടെക്‌നിഷ്യന്‍ കോഴ്‌സുമായി ബന്ധപ്പെട്ട്‌ നടന്ന ഡ്രോണ്‍ എയര്‍ ഷോ ആണ്‌ കുട്ടികളെ ആവേശഭരിതരാക്കിയത്‌. വിവിധ തരം ഡ്രോണുകളുടെ പ്രദര്‍ശനവും പ്രവര്‍ത്തിപ്പിക്കലും ഇതിന്റെ ഭാഗമായി നടന്നു. അഗ്രിക്കള്‍ച്ചറല്‍ ഡ്രോണിന്റെ പ്രവര്‍ത്തനം കുട്ടികളെ ഏറെ ആകര്‍ഷിച്ചു. കാര്‍ഷിക ആവശ്യങ്ങള്‍ക്കും സര്‍വേകള്‍ക്കും ഉപയോഗിക്കുന്ന ഇവ വിദ്യാര്‍ഥികള്‍ക്ക്‌ പരിചയപ്പെടാന്‍ സാധിച്ചു. ഡ്രോണ്‍ സര്‍വീസ്‌ ടെക്‌നീഷ്യന്‍ കോഴ്‌സ് പഠിക്കുന്ന കുട്ടികള്‍ക്ക്‌ ഡ്രോണ്‍ പറത്താനുള്ള അവസരവും ലഭിച്ചു. ട്രാവന്‍കൂര്‍ ഏവിയേഷന്‍ കമ്പനി ഡയറക്‌ടര്‍ എസ്‌.ആര്‍. അനൂപ്‌,ഡ്രോണ്‍ പൈലറ്റുമാരായ കിരണ്‍ ജെ. പ്രകാശ്‌, അഖില്‍ എം, സൂരജ്‌ കൃഷ്‌ണ, അരവിന്ദ്‌ എ, രാഹുല്‍ തോമസ്‌ എന്നിവര്‍ പരിശീലനത്തിന്‌ നേതൃത്വം നല്‍കി. വി.എച്ച്‌.എസ്‌.എസ്‌ പ്രിന്‍സിപ്പല്‍ എ.ആര്‍. ഇന്ദു, ഹെഡ്‌മിസ്‌ട്രസ്‌ എം. ഗീത, ഷിഹാബുദീന്‍, പ്രമോദ്‌ മാത്യു, വിനോദ്‌ ബാബു എന്നിവര്‍ പ്രസംഗിച്ചു.
കേരളത്തിലെ ഒരു മുന്‍നിര ഓണ്‍ലൈന്‍ വാര്‍ത്താ ചാനലാണ്‌ പത്തനംതിട്ട മീഡിയാ. ജില്ലയിലെ പ്രാദേശിക വാര്‍ത്തകള്‍ക്ക് മുന്‍തൂക്കം നല്‍കിക്കൊണ്ടാണ് പത്തനംതിട്ട മീഡിയാ മുമ്പോട്ടു പോകുന്നത്. തികച്ചും സൌജന്യമായാണ് ഈ വാര്‍ത്തകള്‍ നിങ്ങള്‍ക്ക് ലഭിക്കുന്നത്. രാവിലെ 4 മണി മുതല്‍ രാത്രി 12 മണിവരെ തടസ്സമില്ലാതെ എല്ലാ വാര്‍ത്തകളും ഉടനടി നിങ്ങള്‍ക്ക് ലഭിക്കും. ഇന്‍ഫര്‍മേഷന്‍ & പബ്ലിക് റിലേഷന്‍സ് ഡിപ്പാര്‍ട്ട്മെന്റിന്റെ (I&PRD) അംഗീകാരമുള്ള പത്തനംതിട്ട ജില്ലയിലെ ഏക ഓണ്‍ലൈന്‍ ചാനലാണ്‌ പത്തനംതിട്ട മീഡിയ. വ്യാജ വാര്‍ത്തകളോ കെട്ടിച്ചമച്ച വാര്‍ത്തകളോ പത്തനംതിട്ട മീഡിയയില്‍ ഉണ്ടാകില്ല. അതോടൊപ്പം നിങ്ങളുടെ നാട്ടില്‍ നടക്കുന്ന വാര്‍ത്താ പ്രാധാന്യമുള്ള വിഷയങ്ങള്‍ ഞങ്ങള്‍ക്ക് നേരിട്ട് റിപ്പോര്‍ട്ട് ചെയ്യുകയുമാകാം.
———————-
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263
mail – [email protected]
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍ 702555 3033/ 0468 295 3033 /
mail – [email protected]
———————-
ചീഫ് എഡിറ്റര്‍ – 94473 66263, 85471 98263, 0468 2333033
