കൊച്ചി : ആലുവയില് പതിനാലുകാരന് മുങ്ങിമരിച്ചു. ബിനാനിപുരം പാടത്ത് കളിക്കാന് ഇറങ്ങിയപ്പോഴാണ് അപകടമുണ്ടായത്. വിദ്യാര്ത്ഥിയും ബിനാനിപുരം സ്വദേശിയുമായ ആദിത്യന് സജീവനാണ് മരിച്ചത്. വെള്ളത്തില് വീണതിന് പിന്നാലെ ആദിത്യന് ചതുപ്പില് പുതയുകയായിരുന്നു. കഴിഞ്ഞ ദിവസം കാസര്കോട് ചെര്ക്കപ്പാറയില് കുളിക്കാനിറങ്ങിയ രണ്ട് വിദ്യാര്ത്ഥികള് മുങ്ങിമരിച്ചിരുന്നു. ഇരുവര്ക്കും 14 വയസാണ്. കുളത്തില് ഇറങ്ങിയ കുട്ടികള് ചെളിയില് അകപ്പെടുകയായിരുന്നു. അപകടത്തില്പ്പെട്ട് അരമണിക്കൂറിന് ശേഷമാണ് ഇരുവരെയും പുറത്തെടുക്കാനായത്. തുടര്ന്ന് ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല.
