കൊല്ലം : സെല്‍ഫി എടുക്കുന്നതിനിടെ മൂന്ന് പെണ്‍കുട്ടികള്‍ ആറ്റില്‍ അകപ്പെട്ടു. ഇതില്‍ രണ്ട് കുട്ടികളെ രക്ഷപ്പെടുത്തി. സഹോദരങ്ങളായ അനുഗ്രഹയും അനുപമയുമാണ് രക്ഷപ്പെട്ടത്. ഒഴുക്കില്‍പെട്ട 10-ാം ക്ലാസ് വിദ്യാര്‍ഥിനി അപര്‍ണയെ കാണാതായി. കുട്ടിയെ കണ്ടെത്താന്‍ തെരച്ചില്‍ തുടരുകയാണ്. കൊല്ലം പത്തനാപുരത്ത് ശനിയാഴ്ച ഉച്ചയോടെയാണ് അപകടം. മൂന്ന് പെണ്‍കുട്ടികളും സെല്‍ഫിയെടുക്കുന്നതിനായാണ് കല്ലടയാര്‍ തീരത്തേക്ക് എത്തിയത്. ഇതിനിടെ കാല്‍വഴുതി ഒരാള്‍ വീഴുകയായിരുന്നു. ഈ കുട്ടിയെ രക്ഷപ്പെടുത്തുന്നതിനായി മറ്റ് രണ്ടുപേരും ശ്രമിക്കുന്നതിനിടെയാണ് മൂന്നുപേരും ഒഴുക്കില്‍പെട്ടതെന്നാണ് വിവരം.
