നെടുമ്പാശ്ശേരി : ലഹരിമരുന്ന് കേസില്‍ മുംബൈ എന്‍.സി.ബി.അന്വേഷിക്കുന്ന പ്രതി കൊച്ചി വിമാനത്താവളത്തില്‍ എമിഗ്രേഷന്‍ വിഭാഗത്തിന്റെ പിടിയിലായി. മാലദ്വീപ് സ്വദേശിനി അമിനാദ് റഷീദ (58) ആണ് പിടിയിലായത്. ശനിയാഴ്ച മാലദ്വീപില്‍ നിന്നുള്ള ഇന്‍ഡിഗോ വിമാനത്തില്‍ കൊച്ചിയിലെത്തിയതാണ്. കൊച്ചിയിലെ ഒരു സ്വകാര്യ ആശുപത്രിയില്‍ ബന്ധുവിന്റെ ചികിത്സാര്‍ഥം എത്തിയതാണെന്നാണ് ഇവര്‍ പറഞ്ഞത്. ഇവരെ കണ്ടെത്താനായി എന്‍.സി.ബി. വിമാനത്താവളങ്ങളില്‍ ലുക്കൗട്ട് സര്‍ക്കുലര്‍ പുറപ്പെടുവിച്ചിരുന്നു. ഇതേ തുടര്‍ന്നാണ് കൊച്ചി വിമാനത്താവളത്തില്‍ എമിഗ്രേഷന്‍ വിഭാഗം ഇവരെ പിടികൂടിയത്. ഇവരെ എന്‍.സി.ബി.ക്ക്‌ കൈമാറി.
