മുംബൈ: നഗരത്തിലും പരിസര പ്രദേശങ്ങളിലുമുള്ള നാല് തബ്ലീഗ് ജമാഅത്ത് കേന്ദ്രങ്ങളില് എന്ഫോഴ്സ്മെന്റ് ഡയറക്ടറേറ്റ് (ഇ.ഡി) റെയ്ഡ്. മത പ്രവര്ത്തന ആവശ്യങ്ങള്ക്ക് ലഭിക്കുന്ന പണത്തിന്റെ ഉറവിടം കണ്ടെത്തല്, ഫണ്ടിന്റെ മറവില് കള്ളപ്പണം വെളിപ്പിക്കാന് ശ്രമമുണ്ടോ, കുഴല് പണം അടക്കമുള്ള നിയമവിരദ്ധ മാര്ഗ്ഗങ്ങളിലൂടെയാണോ പണം ലഭിക്കുന്നത് തുടങ്ങിയ കാര്യങ്ങളാണ് അന്വേഷിക്കുന്നതെന്ന് ഇ.ഡി വൃത്തങ്ങള് പറഞ്ഞു.
ലോക്ക്ഡൗണ് നിയമങ്ങള് ലംഘിച്ച് കഴിഞ്ഞ മാര്ച്ചില് നിസാമുദ്ദീനില് സമ്മേളനം നടത്തിയതിന് തബ്ലീഗ് ജമാഅത്ത് നേതാവ് മൗലാന മുഹമ്മദ് സാദ് അടക്കം ആറ് പേര്ക്കെതിരെ ഡല്ഹി പോലീസ് കേസെടുത്തിരുന്നു. ഈ കേസിലെ വിവരങ്ങളുടെ അടിസ്ഥാനത്തിലാണ് കള്ളപ്പണം വെളുപ്പിക്കുന്നത് തടയുന്ന പി.എം.എല്.എ നിയമ പ്രകാരം ഇ.ഡിയും കേസെടുത്ത് അന്വേഷണം തുടരുന്നത്. കഴിഞ്ഞ ഏപ്രിലിലാണ് മൗലാനാ മുഹമദ് സാദ് അടക്കമുള്ളവര്ക്കെതിരെ ഇ.ഡി കേസെടുത്തത്.
