കൊച്ചി : കുരിശില്‍ യേശുക്രിസ്തുവിന്റെ സ്ഥാനത്ത് നഗ്നയുവതിയുടെ ചിത്രം എഡിറ്റ്‌ ചെയ്ത് ചേര്‍ത്ത് സമൂഹ മാധ്യമങ്ങളില്‍ പ്രചരിപ്പിച്ച യുവാവ് അറസ്റ്റില്‍. മലപ്പുറം നിലമ്പൂര്‍ കനത്ത മണിയാണി വീട്ടില്‍ ജ്യോതിഷിനെ (20) യാണ് പോലീസ് അറസ്റ്റ് ചെയ്തത്.
പോസ്റ്റിനെതിരെ സോഷ്യല്‍ മീഡിയയില്‍ വന്‍ പ്രതിഷേധം ഉയര്‍ന്നിരുന്നു. എറണാകുളം ജില്ലാ പോലീസ് മേധാവിക്ക് കിട്ടിയ പരാതിയെ തുടര്‍ന്ന് സെന്‍ട്രല്‍ പോലീസ് കേസ് രജിസ്റ്റര്‍ ചെയ്യുകയായിരുന്നു. ഡെപ്യൂട്ടി പോലീസ് കമ്മീഷണര്‍ പൂങ്കുഴലിയുടെ നിര്‍ദേശപ്രകാരം എറണാകുളം അസി. കമ്മീഷണര്‍ ലാല്‍ജി, സെന്‍ട്രല്‍ പോലീസ് സ്റ്റേഷന്‍ ഇന്‍സ്പെക്ടര്‍ വിജയ് ശങ്കര്‍ എസ് എന്നിവരുടെ നേതൃത്വത്തിലുള്ള അന്വേഷണ സംഘമാണ് മലപ്പുറത്തു നിന്ന് പ്രതിയെ അറസ്റ്റ് ചെയ്തത്. അറസ്റ്റ് ചെയ്ത പ്രതിയെ കോടതിയില്‍ ഹാജരാക്കി
