വടശ്ശേരിക്കര: പരിസ്ഥിതിലോല മേഖല സംബന്ധിച്ച കരട് വിജ്ഞാപനത്തിൽ നിന്നും വടശ്ശേരിക്കര വില്ലേജിനെ പൂർണ്ണമായും ഒഴിവാക്കണമെന്ന് കേരള കോൺഗ്രസ് (എം) വടശ്ശേരിക്കര മണ്ഡലം സമ്മേളനം ആവശ്യപ്പെട്ടു. ജനവാസ കേന്ദ്രങ്ങളും കൃഷിയിടങ്ങളും പുതിയ കരട് വിജ്ഞാപനത്തിൽ ഉൾപ്പെട്ടത് മേഖലയിലെ കർഷകരിൽ വലിയ ആശങ്ക ഉണ്ടാക്കിയിട്ടുണ്ട്. നിർമ്മാണം, ഭൂവിനിയോഗം, കൃഷി തുടങ്ങിയ മേഖലകളിൽ നിയന്ത്രണങ്ങൾ വരുന്നത് കാർഷിക ഗ്രാമമായ വടശ്ശേരിക്കരയിലെ ജനങ്ങളുടെ ജീവിതം ദുരിതത്തിലാക്കും. ഈ സാഹചര്യത്തിൽ ജനങ്ങളുടെ ആശങ്ക പരിഹരിക്കാൻ സംസ്ഥാന സർക്കാർ അടിയന്തരമായി ഇടപെടണമെന്ന് യോഗം പ്രമേയത്തിലൂടെ ആവശ്യപ്പെട്ടു. സർക്കാർ അനുകൂല നടപടി സ്വീകരിച്ചില്ലെങ്കിൽ അതിശക്തമായ പ്രക്ഷോഭ പരിപാടികൾ സംഘടിപ്പിക്കുമെന്നും യോഗം മുന്നറിയിപ്പ് നൽകി.
മണ്ഡലം സമ്മേളനം കേരള കോൺഗ്രസ് (എം) ഉന്നതാധികാര സമിതി അംഗവും എം.എൽ.എയുമായ അഡ്വ. പ്രമോദ് നാരായൺ ഉദ്ഘാടനം ചെയ്തു. മണ്ഡലം പ്രസിഡന്റ് ശോഭന എൻ. എസ്. അധ്യക്ഷത വഹിച്ചു.നിയോജകമണ്ഡലം പ്രസിഡന്റ് ജോർജ് എബ്രഹാം, ജില്ലാ സെക്രട്ടറിമാരായ ബിബിൻ കല്ലംപറമ്പിൽ, ഷെറി തോമസ്, ദളിത് ഫ്രണ്ട് സംസ്ഥാന ജനറൽ സെക്രട്ടറി എം. സി. ജയകുമാർ, നിയോജകമണ്ഡലം വൈസ് പ്രസിഡന്റ് സാബു കുറ്റിയിൽ, മണ്ഡലം സെക്രട്ടറി അനൂപി എബ്രഹാം, മുൻ മണ്ഡലം പ്രസിഡന്റ് ജോസ് മാലിയിൽ, ജില്ലാ ക ങ്ങളായ കോശി കുരുടമണ്ണിൽ, അനീന ഷമുവേൽ, മോനായി തോട്ടുങ്കൽ, മോഹനൻ മടക്കമോട്, വിനോദ് സി. വി., മോഹിനി, ആമിന, സബീന, പ്രസാദ്, ഷിജു മോൻ, സുനിത, സിഞ്ചു പ്രകാശ് എന്നിവർ ചടങ്ങിൽ പ്രസംഗിച്ചു.
