തിരുവനന്തപുരം : തിരുവനന്തപുരം ഉച്ചക്കട, കായംകുളം സ്കൂളുകളിൽ ഉണ്ടായത് ഭക്ഷ്യ വിഷബാധയല്ലെന്ന് വിദ്യാഭ്യാസ മന്ത്രി വി ശിവൻകുട്ടി പറഞ്ഞു. പുറത്ത് നിന്നും ഭക്ഷണം കഴിച്ച കുട്ടികൾക്കും അസ്വസ്ഥത ഉണ്ടായിട്ടുണ്ടെന്ന് മന്ത്രി പറഞ്ഞു. ഭക്ഷ്യ വിഷബാധ ആയിരുന്നെങ്കിൽ അത് സ്കൂളിൽ നിന്നും ഭക്ഷണം കഴിച്ച കുട്ടികളിൽ മാത്രമാവും ഉണ്ടാവുകയെന്ന് മന്ത്രി പറഞ്ഞു. ഭക്ഷ്യ വിഷബാധ എന്ത് കൊണ്ട് കുട്ടികളെ ബാധിച്ചുവെന്നറിയാൻ സമഗ്ര അന്വേഷണത്തിന് ഉത്തരവിട്ടെന്ന് വിദ്യാഭ്യാസ മന്ത്രി വി ശിവൻകുട്ടി പറഞ്ഞു.
