കൊച്ചി: കഴിഞ്ഞ നാലു വര്‍ഷമായി മാധ്യമപ്രവര്‍ത്തകയ്ക്ക് അശ്ലീലകത്തുകൾ അയച്ചിരുന്ന വയോധികന്‍ അറസ്റ്റില്‍. പാലക്കാട് ധോണി പയറ്റാംകുന്ന് രാജഗോപാലി(75)നെയാണ് അറസ്റ്റ് ചെയ്തത്. എറണാകുളം നോര്‍ത്ത് പോലീസ് ആണ് പ്രതിയെ അറസ്റ്റ് ചെയ്തത്. കൊച്ചിയിലെ മാധ്യമപ്രവര്‍ത്തക നല്‍കിയ പരാതിയിലാണ് അറസ്റ്റ്. മാധ്യമപ്രവര്‍ത്തക എഴുതുന്ന വാര്‍ത്തകളെ ആധാരമാക്കിയായിരുന്നു ഇയാള്‍ അശ്ലീല കത്തുകള്‍ അയച്ചിരുന്നത്. പാലക്കാട് ഇയാള്‍ താമസിക്കുന്ന ലോഡ്ജിലെത്തിയാണ് പ്രതിയെ പിടികൂടിയത്. എറണാകുളം നോര്‍ത്ത് എസ്‌ഐമാരായ പി.ജെ. സന്തോഷ് കുമാര്‍, ടി.എസ്. രതീഷ്, സിപിഒ രജീന്ദ്രന്‍ എന്നിവരുടെ നേതൃത്വത്തിലുള്ള സംഘം ആണ് അറസ്റ്റ് ചെയ്തത്. പോലീസിന്റെ ചോദ്യം ചെയ്യലില്‍ ഇയാള്‍ കുറ്റം സമ്മതം നടത്തി. മുമ്പും സ്ത്രീകള്‍ക്ക് അശ്ലീല കത്ത് അയച്ചതിന് പാലക്കാട് സൗത്ത്, കൊല്ലങ്കോട്, മഞ്ചേരി, കോഴിക്കോട് നടക്കാവ് സ്‌റ്റേഷനുകളില്‍ ഇയാള്‍ക്കെതിരെ കേസുണ്ട്. അറസ്റ്റ് ചെയ്ത ഇയാളെ പിന്നീട് ജാമ്യത്തില്‍ വിട്ടു.
പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം. വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263 mail – [email protected] എന്നിവ മാത്രം ഉപയോഗിക്കുക. മറ്റുള്ള വാട്സ് ആപ്പ് നമ്പരുകളിലും മെയിലിലും വരുന്നവ സ്വീകരിക്കുന്നതല്ല. വാര്‍ത്തയോടൊപ്പം ഒരു ചിത്രം ഉണ്ടായിരിക്കണം. ഗൂഗിള്‍ മലയാളത്തില്‍ ടൈപ്പ് ചെയ്ത് വാര്‍ത്തകള്‍ നല്‍കണം. വാര്‍ത്തകള്‍ നല്‍കുമ്പോള്‍ എല്ലാ നമ്പരുകളിലും മെയിലുകളിലും നല്‍കാതെ ഒരിടത്തുമാത്രം നല്‍കുക. ചീഫ് എഡിറ്ററുമായി ബന്ധപ്പെടുവാന്‍ 94473 66263, 85471 98263, 0468 2333033 എന്നീ നമ്പരുകള്‍ ഉപയോഗിക്കുക.
