കൊല്ലം : കൊല്ലം അഞ്ചലിൽ അനാഥാലയത്തിലെ അന്തേവാസിയെ സ്ഥാപന നടത്തിപ്പുകാരൻ മർദ്ദിച്ച സംഭവത്തിൽ പോലീസ് കേസെടുത്തു. അഞ്ചൽ അർപ്പിത സ്നേഹാലയം മേധാവി അഡ്വ. സജീവനെതിരെയാണ് കേസ്. സജീവൻ ചൂരൽ വടി ഉപയോഗിച്ച് വയോധികയെ അടിക്കുന്ന ദൃശ്യങ്ങൾ നവമാധ്യമങ്ങളിൽ പ്രചരിച്ചിരുന്നു. പ്രാര്ത്ഥനാ സമയത്ത് ഇരുന്നുറങ്ങിയെന്ന് പറഞ്ഞാണ് സജീവന് പ്രായമായ സ്ത്രീയെ മര്ദ്ദിച്ചത്.
മറ്റൊരു പ്രായമായ സ്ത്രീയോടും സജീവന് വളരെ മോശമായ രീതിയില് പെരുമാറുന്നത് ദൃശ്യങ്ങളിലുണ്ട്. സ്ഥാപനത്തിലെ തന്നെ ജീവനക്കാരനാണ് ദൃശ്യങ്ങള് പകര്ത്തിയത്. 20 ലേറെ അന്തേവാസികള് സ്നേഹാലയത്തിലുണ്ട്. മര്ദ്ദനമേറ്റ സ്ത്രീയുടെ മൊഴിയെടുത്തെന്ന് പോലീസ് പറഞ്ഞു. വീഡിയോ വ്യാപകമായി പ്രചരിച്ചതോടെ ദൃശ്യങ്ങള് എഡിറ്റ് ചെയ്ത് പ്രചരിപ്പിച്ചതാണെന്ന വിചിത്രവാദമാണ് സ്ഥാപനത്തിന്റെ അധികൃതര് പറയുന്നത്.
