റാന്നി: ആനശല്യം ജനവാസ മേഖലകളില് പകല്സമയത്തും വ്യാപകമാവുന്നു. വടശേരിക്കര പുതുക്കുളം മുക്കുഴിയിലാണ് ഇന്നു രാവിലെ ആറരയോടെ ആനയിറങ്ങിയത്. രാത്രി എത്തിയ ഒറ്റയാന് കൃഷിയിടങ്ങള് ചവിട്ടിമെതിച്ചാണ് ജനവാസ മേഖലയിലേക്കെത്തിയത്. ജനങ്ങള് പുറത്തിറങ്ങുന്ന സമയത്ത് ആന റോഡിലൂടെ ഓടിയെങ്കിലും ദുരന്തമൊഴിവായി. കൃഷിയിടത്തില് നിന്നും ഇറങ്ങിയ ആന ടിപ്പര് ലോറി കണ്ട് ഭയന്ന് ടാറിംങ്ങ് റോഡിലൂടെ ഓടുന്നതുമായ ദൃശ്യങ്ങള് പുറത്തു വന്നു.
ആന പോയതിന് പിന്നാലെ സ്വകാര്യ ബസ് ആ റൂട്ടിലൂടെ വരുന്നുമുണ്ട്. രാവിലെ പാല്, പത്ര വിതരണക്കാരും ടാപ്പിംങ് തൊഴിലാളികളും ആനയുടെ മുന്നില് പെടാതെ പോയത് ഭാഗ്യം കൊണ്ടു മാത്രമാണ്. ആന നാട്ടിലിറങ്ങുന്നെന്ന പരാതി വ്യാപകമാവുന്നതോടെ വനംവകുപ്പ് അധികൃതര് സ്ഥലത്തെത്തി മടങ്ങുന്ന തൊഴിച്ചാല് ശ്വാശത പരിഹാരത്തിന് നടപടികള് സ്വീകരിക്കുന്നില്ലെന്നും ആക്ഷേപമുണ്ട്.
