അബുദാബി : യാത്രക്കാര്‍ക്ക് ഒരു മാസത്തേക്ക് സൗജന്യ സിറ്റി ചെക്ക് ഇന്‍ സൗകര്യം ഏര്‍പ്പെടുത്തി ഇത്തിഹാദ് എയര്‍ലൈന്‍. എയര്‍ലൈനിന്റെ മുഴുവന്‍ സര്‍വീസുകളും അബുദാബി വിമാനത്തവാളത്തിലെ പുതിയ ടെര്‍മിനലിലേക്ക് മാറുന്നതിനോട് അനുബന്ധിച്ചാണ് എയര്‍ പോര്‍ട്ടിന് പുറത്തുളള കേന്ദ്രങ്ങളില്‍ യാത്രക്കാര്‍ക്ക് സൗജന്യ ചെക്ക് ഇന്‍ സേവനം ലഭ്യമാക്കിയിരിക്കുന്നത്. പുതിയ ടെര്‍മിനലില്‍ നിന്ന് വ്യാഴാഴ്ചയാണ് ഇത്തിഹാദ് എര്‍ലൈനിന്റെ മുഴുവന്‍ സര്‍വീസുകളും പ്രവര്‍ത്തനം ആരംഭിച്ചത്. മിന തുറമുഖത്തും അബുദാബി എക്‌സിബിഷന്‍ കേന്ദ്രത്തിലും പ്രവര്‍ത്തിക്കുന്ന ഓഫ് എയര്‍പോര്‍ട്ട് ചെക് ഇന്‍ കേന്ദ്രങ്ങളിലാണ് സേവനം നല്‍കുന്നത്. അടുത്ത മാസം 14 വരെ ഇവിടെ സൗജന്യ ചെക്ക് ഇന്‍ സൗകര്യം ഉണ്ടായിരിക്കുമെന്ന് ഇത്തിഹാദ് എയര്‍ലൈന്‍ അറിയിച്ചു.
മൊറാഫിക് ഏവിയേഷന്റെ കീഴില്‍ മിന തുറമുഖത്തെ ചെക് ഇന്‍ സൗകര്യം 24 മണിക്കൂറും പ്രവര്‍ത്തിക്കും. എക്‌സിബിഷന്‍ സെന്ററില്‍ രാവിലെ ഒമ്പതു മുതല്‍ രാത്രി ഒമ്പതു വരെയാണ് സേവനം ലഭ്യമാക്കുക. ഇത്തിഹാദിന് പുറമെ എയര്‍ അറേബ്യ, വിസ് എയര്‍, ഈജിപ്ത് എയര്‍ തുടങ്ങിയ കമ്പനികളും യാത്രക്കാര്‍ക്കായി കുറഞ്ഞ നിരക്കില്‍ ചെക് ഇന്‍ സൗകര്യം ഏര്‍പ്പെടുത്തിയിട്ടുണ്ട്. വ്യാഴാഴ്ച മുതലാണ് അബുദാബി വിമാനത്താവളത്തിലെ പുതിയ ടെര്‍മിനല്‍ പൂര്‍ണതോതില്‍ പ്രവര്‍ത്തനം ആരംഭിച്ചത്. 28 എയര്‍ലൈനുകളാണ് ഇപ്പോള്‍ ഇവിടെ നിന്ന് സര്‍വീസ് നടത്തുന്നത്. മണിക്കൂറില്‍ 11,000 യാത്രക്കാരെ ഉള്‍ക്കൊളളാന്‍ ശേഷിയുളളതാണ് അബുദാബി വിമാനത്താവളത്തിലെ പുതിയ ടെര്‍മിനല്‍.
പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം
മലയാളത്തിലെ പ്രമുഖ ന്യൂസ് പോര്‍ട്ടലുകളില്‍ ഒന്നായ പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം. ഗൂഗിള്‍ മലയാളത്തില്‍ ടൈപ്പ് ചെയ്ത വാര്‍ത്തയോടൊപ്പം ഉചിതമായ ചിത്രവും നല്‍കേണ്ടതാണ്. വാര്‍ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്‍കണം. പത്രത്തില്‍ പ്രസിദ്ധീകരിച്ചതും കാലഹരണപ്പെട്ടതുമായ വാര്‍ത്തകള്‍ പ്രസിദ്ധീകരിക്കുന്നതല്ല. വാര്‍ത്തകള്‍ പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം എഡിറ്റോറിയല്‍ ബോര്‍ഡില്‍ നിക്ഷിപ്തമായിരിക്കും. രഹസ്യ സ്വഭാവമുള്ള വാര്‍ത്തകളും വിവരങ്ങളും ചീഫ് എഡിറ്റര്‍ക്ക് കൈമാറാം. ഇന്‍ഫോര്‍മറെക്കുറിച്ചുള്ള വിവരങ്ങള്‍ അതീവ രഹസ്യമായി സൂക്ഷിക്കുന്നതാണ്.
———————–
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍ 702555 3033/ 0468 295 3033 / mail – [email protected]
———————-
ചീഫ് എഡിറ്റര്‍ – 94473 66263, 85471 98263, 0468 2333033
