തിരുവനന്തപുരം: കല്ലമ്പലത്ത് വിവാഹ വീട്ടിലെ കൊലപാതകത്തിന് കാരണം അയല്വാസി ജിഷ്ണുവിന്റെ വിവാഹാലോചന രാജുവിന്റെ കുടുംബം നിരസിച്ചത് കൊണ്ടെന്ന് ദൃക്സാക്ഷി. ജിഷ്ണുവിന്റെ കുടുംബ പശ്ചാത്തലം മോശമായതിനാലാണ് ഈ വിവാഹാലോചന വേണ്ടെന്ന് വച്ചതെന്നും അന്നുമുതല് പ്രതികള്ക്ക് വിരോധമുണ്ടെന്നും രാജുവിന്റെ സഹോദരിയുടെ മകള് ഗുരുപ്രിയ ഒരു ഓൺലൈൻ ന്യൂസിനോട് പറഞ്ഞു. രാത്രിയില് അതിഥികളെല്ലാം പോയെന്ന് ഉറപ്പാക്കിയ ശേഷമാണ് പ്രതികളെത്തിയതെന്നും വധുവിനെ നിലത്തിട്ട് മര്ദിച്ചെന്നും ഗുരുപ്രിയ പറഞ്ഞു. കൊല്ലപ്പെട്ട രാജുവും ഭാര്യയും പെണ്കുട്ടിയെ രക്ഷിക്കാന് ശ്രമിക്കുന്നുണ്ടായിരുന്നുവെന്നും തടയാന് ശ്രമിക്കുന്നതിനിടെ രാജുവിനെ മണ്വെട്ടിക്ക് അടിച്ച് വീഴ്ത്തുകയായിരുന്നുവെന്നും ഗുരുപ്രിയ വ്യക്തമാക്കി.
വിവാഹവീട്ടിലെ ബഹളം കേട്ടാണ് താനും അച്ഛനും ഓടിയെത്തിയതെന്നും അച്ഛന്റെ തലയ്ക്കും മണ്വെട്ടി കൊണ്ട് അടിച്ചുവെന്നും പെണ്കുട്ടി പറയുന്നു. ഇന്ന് രാവിലെ പത്തരയോടെയാണ് രാജുവിന്റെ മകളുടെ വിവാഹം നടക്കേണ്ടിയിരുന്നത്. എന്നാല് രാത്രി പന്ത്രണ്ടരയോടെ വിവാഹ വീട്ടിലേക്കെത്തിയ അയല്വാസികളായ ജിഷ്ണുവും സഹോദരന് ജിജീഷും സുഹൃത്തുക്കളും രാജുവിനെ മണ്വെട്ടിക്ക് അടിച്ച് കൊലപ്പെടുത്തുകയായിരുന്നു. പ്രതികളെ പോലീസ് കസ്റ്റഡിയിലെടുത്തു.
പത്തനംതിട്ട മീഡിയയില് പ്രസിദ്ധീകരിക്കുവാനുള്ള വാര്ത്തകള് ആര്ക്കും എവിടെനിന്നും നല്കാം. വാര്ത്തകള് നല്കുവാന് വാട്സാപ്പ് 751045 3033/ 94473 66263 mail – [email protected] എന്നിവ മാത്രം ഉപയോഗിക്കുക. മറ്റുള്ള വാട്സ് ആപ്പ് നമ്പരുകളിലും മെയിലിലും വരുന്നവ സ്വീകരിക്കുന്നതല്ല. വാര്ത്തയോടൊപ്പം ഒരു ചിത്രം ഉണ്ടായിരിക്കണം. ഗൂഗിള് മലയാളത്തില് ടൈപ്പ് ചെയ്ത് വാര്ത്തകള് നല്കണം. വാര്ത്തകള് നല്കുമ്പോള് എല്ലാ നമ്പരുകളിലും മെയിലുകളിലും നല്കാതെ ഒരിടത്തുമാത്രം നല്കുക. ചീഫ് എഡിറ്ററുമായി ബന്ധപ്പെടുവാന് 94473 66263, 85471 98263, 0468 2333033 എന്നീ നമ്പരുകള് ഉപയോഗിക്കുക.
