തിരുവനന്തപുരം : സ്വര്ണ്ണക്കടത്ത് കേസിലെ പ്രതി സ്വപ്ന സുരേഷിനെ തിരുവനന്തപുരം ഈഞ്ചക്കലിലെ എയര് ഇന്ത്യ സാറ്റ്സ് ഓഫീസില് തെളിവെടുപ്പിനെത്തിച്ചു. എയര് ഇന്ത്യാ ജീവനക്കാരനായ സിബു എല്.എസ്സിനെതിരെ വ്യാജപരാതികള് ചമച്ചെന്ന കേസിലായിരുന്നു തെളിവെടുപ്പ്.
കസ്റ്റംസ് കസ്റ്റഡിയില് കഴിയുന്ന സ്വപ്നയെ ക്രൈംബ്രാഞ്ച് ഈ കേസില് ജയിലിലെത്തി അറസ്റ്റ് ചെയ്തിരുന്നു. തുടര്ന്ന് കഴിഞ്ഞ ദിവസമാണ് സ്വപ്നയെ ഈ മാസം 22 വരെ ക്രൈംബ്രാഞ്ച് കസ്റ്റഡിയില് വിട്ടത്. എയര് ഇന്ത്യാ സാറ്റ്സില് എച്ച് ആര് മാനേജര് ആയിരിക്കെയാണ് സ്വപ്ന സിബുവിനെതിരെ വ്യാജപരാതികള് ചമച്ചത്.
