ആലപ്പുഴ : മണ്ണാറശാല വലിയമ്മയുടെ ആരോഗ്യ സ്ഥിതി സംബന്ധിച്ചു പ്രചരിക്കുന്ന വാര്‍ത്തകള്‍ വ്യാജമെന്ന് കുടുംബം വ്യക്തമാക്കി. കഴിഞ്ഞ രണ്ട് ദിവസമായി സോഷ്യല്‍ മീഡിയയില്‍ വലിയമ്മ മരിച്ചുവെന്ന രീതിയില്‍ വാര്‍ത്തകള്‍ പ്രചരിച്ച സാഹചര്യത്തിലാണ് കുടുംബത്തിന്റെ പ്രതികരണം. വാര്‍ത്ത ആരോ കെട്ടിച്ചമച്ചതാണെന്ന് മണ്ണാറശാല കുടുംബം പറഞ്ഞു. വ്യാജ പ്രചരണങ്ങള്‍ വിശ്വസിക്കരുതെന്നും നിലവില്‍ വലിയമ്മയുടെ ആരോഗ്യ സ്ഥിതിയില്‍ പ്രശനങ്ങള്‍ ഇല്ലെന്നും മണ്ണാറശാല കുടുംബം അറിയിച്ചു.
