ഒട്ടേറെ ആരോഗ്യഗുണങ്ങളുള്ള പച്ചക്കറികളിൽ ഒന്നാണ് ബീറ്റ്റൂട്ട്. ഇത് കടകളിൽ ലഭ്യമാണെങ്കിലും വീട്ടിൽ തന്നെ വളർത്തിയെടുക്കാൻ പറ്റുന്ന പച്ചക്കറികളിൽ ഒന്നാണ് ബീറ്റ് റൂട്ട്. സ്ഥലമില്ലാത്തവർക്ക് കൃഷി ചെയ്യാൻ പറ്റില്ല എന്നോർത്ത് വിഷമിക്കേണ്ടതില്ല. ഇത് ചട്ടികളിലും വളർത്തി എടുക്കാവുന്നതാണ്. തണുപ്പുള്ള കാലാവസ്ഥയിലാണ് ഇത് വളർത്തി എടുക്കേണ്ടത്.
ചട്ടി തിരഞ്ഞെടുക്കേണ്ടത് : ആവശ്യത്തിന് ഡ്രെയിനേജ് ദ്വാരങ്ങളുള്ള ഏത് തരത്തിലുള്ള കണ്ടെയ്‌നറും ഉപയോഗിക്കാം. കളിമൺ പാത്രങ്ങൾ മികച്ചതാണ്. ചെറിയ ചട്ടികളിൽ ബീറ്റ്റൂട്ട് വളർത്തുന്നത് സാധ്യമാണ്. പക്ഷേ അവ കുറഞ്ഞത് 8 ഇഞ്ച് ആഴത്തിലുള്ളതാണെന്ന് ഉറപ്പാക്കുക. 10 മുതൽ 12 ഇഞ്ച് ആഴമുള്ള പാത്രങ്ങൾ ചെടിവളർത്താൻ അനുയോജ്യമാണ്. നിങ്ങൾക്ക് ആവശ്യമുള്ളത്ര വിശാലമായ കണ്ടെയ്നറുകളും തിരഞ്ഞെടുക്കാം. കൂടുതൽ ബീറ്റ്റൂട്ട് ചെടികൾ ഒരുമിച്ച് വളർത്തുന്നതിന് വലിയ കണ്ടെയ്നറുകൾ സഹായിക്കുന്നു.
താപനില 80 F (27 C) ന് മുകളിൽ എത്തുന്നതുവരെ നിങ്ങൾക്ക് ഓരോ 3 മുതൽ 4 ആഴ്ചയിലും വിത്ത് വിതയ്ക്കാവുന്നതാണ്. ആവശ്യമുള്ള ചട്ടി തിരഞ്ഞെടുത്ത് 1/4 ഇഞ്ച് ആഴത്തിൽ വിത്ത് പാകുക. അവ മുളച്ച് ഗണ്യമായ ഉയരത്തിൽ എത്തിക്കഴിഞ്ഞാൽ 3 ഇഞ്ച് അകലത്തിൽ തൈകൾ നടുക. 5 മുതൽ 15 ദിവസം വരെ എപ്പോൾ വേണമെങ്കിലും തൈകൾ പുറത്തുവരാൻ തുടങ്ങും. അതുവരെ ചൂടുള്ളതും നേരിയ വെയിൽ ലഭിക്കുന്നതുമായ ഒരു സ്ഥലത്ത് പാത്രങ്ങൾ സൂക്ഷിക്കുക. കണ്ടെയ്നറുകൾക്കുള്ള മികച്ച ബീറ്റ്റൂട്ട് ഇനങ്ങൾ ഡെട്രോയിറ്റ് ഡാർക്ക് റെഡ്, ഏർലി വണ്ടർ, സാങ്രിയ, സ്വീറ്റ്ഹാർട്ട് എന്നിങ്ങനെയുള്ള ഇനങ്ങൾ കണ്ടൈയ്നറിൽ വളരുന്ന ബീറ്റ്റൂട്ട് ഇനങ്ങളാണ്.
സ്ഥാനം : കുറഞ്ഞത് 6 മണിക്കൂർ സൂര്യപ്രകാശം ആവശ്യമാണ്. കൂടാതെ നിങ്ങൾ കണ്ടെയ്നറുകൾ സ്ഥാപിക്കുന്ന സ്ഥലത്ത് നല്ല വായു സഞ്ചാരമുണ്ടെന്ന് ഉറപ്പാക്കുക.
