പോകോ സി 65 ഔദ്യോഗികമായി ഇന്ത്യൻ വിപണിയിൽ ലോഞ്ച് ചെയ്തു. ഈ സ്മാർട്ട്ഫോൺ ഓഫർ വിലയിൽ ഇപ്പോൾ ഉപഭോക്താക്കൾക്ക് വാങ്ങാൻ സാധിക്കും. പോകോ സി65 സ്മാർട്ട്ഫോണുകൾ ഫ്ലിപ്കാർട്ട് മുഖാന്തരമാണ് വാങ്ങാൻ കഴിയുക. 7,499 രൂപ മുതലാണ് ഈ സ്മാർട്ട്ഫോണിന്റെ വില ആരംഭിക്കുന്നത്. 4 ജിബി, 6 ജിബി, 8 ജിബി എന്നിങ്ങനെ മൂന്ന് സ്റ്റോറേജ് വേരിയന്റുകളിൽ വാങ്ങാനാകും. 4 ജിബി റാം പ്ലസ് 128 ജിബി ഇന്റേണൽ സ്റ്റോറേജ് ഉള്ള മോഡലിന് 8,499 രൂപയാണെങ്കിലും ലോഞ്ച് ഓഫറിന്റെ ഭാഗമായി 7,499 രൂപയ്ക്ക് വാങ്ങാം. 6 ജിബി റാം പ്ലസ് 128 ജിബി ഇന്റേണൽ സ്റ്റോറേജ് ഉള്ള മോഡൽ ഇപ്പോൾ 8,499 രൂപയ്ക്കാണ് വാങ്ങാൻ കഴിയുക. ഇവയുടെ യഥാർത്ഥ വില 9,499 രൂപയാണ്. 8 ജിബി റാം പ്ലസ് 256 ജിബി ഇന്റേണൽ സ്റ്റോറേജ് ഉള്ള മോഡലിന്റെ ഓഫർ വില 9,999 രൂപയും യഥാർത്ഥ വില 10,999 രൂപയുമാണ്. ഈ വർഷം നവംബറിലാണ് Poco C65 ആഗോളതലത്തിൽ അവതരിപ്പിച്ചത്. ഡിസംബർ 15 ന് Poco C65 ഇന്ത്യയിൽ അവതരിപ്പിച്ചത്.
മീഡിയടെക് ഹീലിയോ ജി85 ചിപ്സെറ്റാണ് ഈ ഫോണിന് നല്കിയിട്ടുള്ളത്. ആന്ഡ്രോയിഡ് 13-ല് എംഐയുഐ 14നൊപ്പം പോക്കോ ഔട്ട്-ഓഫ്-ബോക്സില് ആയിരിക്കും പോക്കോ സി 65 പ്രവര്ത്തിക്കുക. ഫോണിന്റെ പിന്ഭാഗത്ത് മാത്രമായി രണ്ട് കാമറകളാണ് ഈ ബഡ്ജറ്റ് ഫ്രണ്ട്ലി ഫോണിന് കമ്പനി നല്കിയിരിക്കുന്നത്. ഇതില് പ്രൈമറി കാമറ 50 എംപിയാണ്. ഇതിന് പുറമെ 2 എംപിയുടെ മാക്രോ ലെന്സും പോക്കോ നല്കിയിട്ടുണ്ട്. സെല്ഫി ചിത്രങ്ങള് പകര്ത്താനും വീഡിയോ കോളുകള്ക്കുമായി 8 എംപിയുടെ ഫ്രണ്ട് കാമറയും പോക്കോ ഈ ഫോണിന് നല്കിയിരിക്കുന്നു. അടുത്തിടെ പുറത്തിറങ്ങിയ റെഡ്മി 13 സിയുമായി ഏറെ സാദൃശ്യമുള്ളതാണ് പോക്കോയുടെ പുതിയ ഫോണ്. ഈ ഫോണിന് രണ്ട് വര്ഷത്തെ ആന്ഡ്രോയിഡ് ഒഎസും അപ്ഡേറ്റുകളും മൂന്ന് വര്ഷത്തെ സുരക്ഷാ അപ്ഡേറ്റുകളും പോക്കോ വാഗ്ദാനം ചെയ്യുന്നു. ഐസിഐസിഐ ബേങ്കിന്റെ ക്രെഡിറ്റ്, ഡെബിറ്റ് കാര്ഡുകള് ഉപയോഗിച്ച് ഈ ഫോണ് വാങ്ങുകയാണെങ്കില് 1,000 രൂപ ഡിസ്കൗണ്ട് ലഭിക്കും. ഇഎംഐ വഴി ഫോണ് സ്വന്തമാക്കുന്നവര്ക്കും ഈ ഓഫര് ലഭിക്കും.
