റാന്നി : റാന്നി രാമപുരം മഹാവിഷ്ണുക്ഷേത്രത്തിലെ ഉത്സവവും വിഷു ആഘോഷവും ഭാഗവതസപ്താഹയജ്ഞവും ഏപ്രിൽ 14 മുതൽ 21 വരെ നടക്കും. 14-ന് വൈകിട്ട് ആറിനും 6.15-നും ഇടയ്ക്ക് തന്ത്രി കുഴിക്കാട്ടില്ലത്ത് അക്കീരമൻ കാളദാസൻ ഭട്ടതിരിപ്പാട് കൊടിയേറ്റ് കർമം നിർവഹിക്കും. അന്ന് രാവിലെ അഞ്ചിന് വിഷുക്കണിദർശനം ഉണ്ടായിരിക്കും. ഏഴിന് മേൽശാന്തി ബിജു എസ്. നമ്പൂതിരി സപ്താഹയജ്ഞ വേദിയിൽ ദീപ പ്രതിഷ്ഠ നടത്തും. എട്ടിന് ഭാഗവത പാരായണം ആരംഭിക്കും. 12.30-ന് കൊടിയേറ്റ് സദ്യ, വൈകിട്ട് 6.45-ന് സാംസ്‌കാരികസമ്മേളനം, 7.45-ന് തിരുവാതിര, എട്ടിന് സ്വരലയമഞ്ജരി എന്നിവ ഉണ്ടായിരിക്കും. അക്കീരമൻ കാളിദാസൻ ഭട്ടതിരിപ്പാട് സാംസ്‌കാരിക സമ്മേളനം ഉദ്ഘാടനം ചെയ്യും. ക്ഷേത്രോപദേശക സമിതി പ്രസിഡന്റ് സുരേഷ് നിത്യ അധ്യക്ഷത വഹിക്കും.
ഉത്സവദിവസങ്ങളിൽ രാവിലെ ഏഴിന് ഭാഗവതപാരായണം,8.30-ന് കലശപൂജ, 10-ന് കലശാഭിഷേകം, സോപാനസംഗീതം, 12-നും വൈകിട്ട് അഞ്ചിനും ഭാഗവത പ്രഭാഷണം, ഒന്നിന് പ്രസാദമൂട്ട്, 15-ന് രാത്രി 7.30-ന് മ്യൂസിക്കൽ ഫ്യൂഷൻ, 16-ന് പകൽ 11-ന് ഉണ്ണിയൂട്ട്, 12.50-ന് കലാകാരൻ ഹരി ഉതിമൂടിനെ ആദരിക്കൽ, 17-ന് രാവിലെ 10.30-ന് മൃത്യഞ്ജയഹോമം, 4.45-ന് വിദ്യാഗോപാലാർച്ചന, രാത്രി 7.30-ന് കൈകൊട്ടിക്കളി, എട്ടിന് സംഗീതസദസ്സ്, 18-ന് രാവിലെ 10.30-ന് രുക്മിണീ സ്വയംവരഘോഷയാത്ര, രാത്രി 7.30-ന് കൈകൊട്ടിക്കളി, എട്ടിന് നൃത്തനൃത്യങ്ങൾ, 19-ന് രാത്രി 7.05-ന് സോപാനസംഗീതം, 7.30-ന് തിരുവാതിര, 20-ന് രാവിലെ 11-ന് അവഭൃഥസ്‌നാന ഘോഷയാത്ര, രാത്രി 7.05-ന് കരോക്കെ ഗാനമേള, 8.45-ന് പള്ളിവേട്ട, 9.30-ന് എഴുന്നള്ളത്ത്, സമാപനദിവസമായ 21-ന് രാവിലെ എട്ടിന് നാരായണീയം, വൈകിട്ട് 4.30-ന് ആറാട്ടുബലി, രാത്രി 7.30-ന് അന്നദാനം, 10.30-ന് ആറാട്ട്, എഴുന്നള്ളത്ത്, വെടിക്കെട്ട് എന്നിവ നടക്കും.
