അടൂർ : സ്ത്രീയെന്ന വ്യാജേന ഫേസ്ബുക്ക് പ്രൊഫൈൽ ഉണ്ടാക്കി അതിലൂടെ പരസ്യം നൽകി നിരവധിപേരെ കബളിപ്പിക്കുകയും പണം തട്ടുകയും ചെയ്ത യുവാവ് അടൂർ പോലീസിന്റെ പിടിയിലായി. അടൂർ പറക്കോട് വയല ചാങ്ങവീട്ടിൽ പടിഞ്ഞാറ്റതിൽ തോമസ് വർഗീസിന്റെ മകൻ ജിതിൻ ടി വർഗീസ് (30) ആണ് അറസ്റ്റിലായത്.
‘അഞ്ജലി ഹരിദാസ് ‘ എന്ന പേരിൽ വ്യാജ ഫേസ്ബുക്ക് പ്രൊഫൈൽ ഉണ്ടാക്കി അതിലൂടെ ‘മെയിൽ എസ്കോർട്ട് ‘ ജോലിക്ക് ആളെ ആവശ്യമുണ്ടെന്ന് കാട്ടി പരസ്യം നൽകുകയും ഇതിൽ ആകൃഷ്ടരാകുന്ന ആൾക്കാരിൽ നിന്ന് രജിസ്ട്രേഷൻ ഫീസ്, ക്ലൈന്റ് ബോഡി ഇൻഷുറൻസ് ഫീസ് തുടങ്ങി പല പേരുകളിലായി പണം തട്ടുകയുമായിരുന്നു ഇയാളുടെ രീതി.
അടൂർ പോലീസ് രജിസ്റ്റർ ചെയ്ത കേസിൽ സൈബർ സെല്ലിന്റെ സഹായത്തോടെ വളരെ വേഗം തന്നെ പ്രതിയെ കണ്ടെത്തി അറസ്റ്റ് ചെയ്തു. ഇയാൾ ഇത്തരത്തിൽ കൂടുതൽ പേരെ തട്ടിപ്പിന് ഇരയാക്കിയിട്ടുണ്ടോ എന്നറിയാൻ കൂടുതൽ അന്വേഷണം ആവശ്യമാണെന്ന് പോലീസ് പറഞ്ഞു. അറസ്റ്റിലായ പ്രതിയെ കോടതിയിൽ ഹാജരാക്കി റിമാൻഡ് ചെയ്തു.
