തിരുവനന്തപുരം: സിനിമ ശാലകളിലെ പ്രദര്ശനം രാത്രി ഒന്പതിനുതന്നെ അവസാനിപ്പിക്കാന് തിയറ്ററുകള്ക്ക് നിര്ദേശം നല്കിയതായി പ്രദര്ശന ശാലകളുടെ സംയുക്ത സംഘടനയായ ഫിയോക്. ഇക്കാര്യത്തില് സര്ക്കാര് നിര്ദേശത്തോട് പൂര്ണമായി സഹകരിക്കും. പ്രദര്ശനം രാവിലെ ഒന്പതിന് ആരംഭിക്കാന് കഴിയുമോയെന്ന കാര്യത്തില് സര്ക്കാരില്നിന്ന് വ്യക്തത തേടുമെന്നും സംഘടന അറിയിച്ചു.
തിയറ്ററുകളില് നേരത്തെ സെക്കന്ഡ് ഷോ ഇല്ലാതെ തുറക്കാന് അനുമതി നല്കിയെങ്കിലും പ്രതിഷേധമുയര്ന്നിരുന്നു. സെക്കന്ഡ് ഷോ അനുവദിച്ചില്ലെങ്കില് സാമ്പത്തികമായി മുന്നോട്ടുപോകാന് കഴിയില്ലെന്നും അതിനാല് തിയറ്റര് അടച്ചിടേണ്ടി വരുമെന്നുമായിരുന്നു ഉടമകളുടെ നിലപാട്. സെക്കന്ഡ് ഷോ ഇല്ലാത്തതിനാല് റിലീസുകളും കൂട്ടത്തോടെ മാറ്റിവെച്ചിരുന്നു. ഒടുവില് ചര്ച്ചകളെ തുടര്ന്നാണ് സെക്കന്ഡ് ഷോ അനുവദിച്ചത്.
