ന്യൂഡല്ഹി : ഡല്ഹിയിലെ സഫ്ദര്ജങ് ആശുപത്രിയിലെ ഐ.സി.യു വാര്ഡില് വന് തീപിടുത്തം. ഐ.സി.യുവിലെ അറുപതോളം രോഗികളെ മറ്റ് വാര്ഡുകളിലേക്ക് മാറ്റി. മണിക്കൂറുകള് നീണ്ട പരിശ്രമത്തിനൊടുവില് തീ അണച്ചു. അപകടത്തില് ആളപായമുണ്ടായിട്ടില്ലെന്ന് ദേശീയ മാധ്യമങ്ങള് റിപ്പോര്ട്ട് ചെയ്തു.
ആശുപത്രിയുടെ മൂന്നാം വാര്ഡില് രാവിലെ 6.35 ഓടെയാണ് തീപിടുത്തമുണ്ടായത്. ഉടന് തന്നെ സ്ഥലത്തെത്തിയ ഫയര് ഫോഴ്സ് ഉദ്യോഗസ്ഥരും ആശുപത്രി ജീവനക്കാരും ചേര്ന്നാണ് ഇവിടെ ചികിത്സയിലുണ്ടായിരുന്ന രോഗികളെ രക്ഷപ്പെടുത്തിയത്.