പത്തനംതിട്ട : ബോംബെ ഭീകരാക്രമണത്തിന്റെ പതിമൂന്നാം വാര്ഷികത്തോടനുബന്ധിച്ച് പത്തനംതിട്ട ഫയര് ആന്ഡ് റെസ്ക്യു ടീമും സിവില് ഡിഫന്സ് കോര്പ്സ് പത്തനംതിട്ടയും സംയുക്തമായി പത്തനംതിട്ട യുദ്ധ സ്മാരകത്തില് ധീര ജവാന്മാര്ക്ക് ആദരാഞ്ജലികള് അര്പ്പിച്ചു. പത്തനംതിട്ട ജില്ലാ കളക്ടര് ഡോ. ദിവ്യ എസ് അയ്യര് സ്മൃതി മണ്ഡപത്തില് പുഷ്പചക്രം സമര്പ്പിച്ചു. തുടര്ന്ന് വീരമൃത്യുവരിച്ച ധീര ദേശസ്നേഹികള്ക്ക് ആദരവ് അര്പ്പിച്ചു കൊണ്ട് സേനാംഗങ്ങള് സല്യൂട്ട് നല്കി.
പത്തനംതിട്ട ദുരന്ത നിവാരണ ഡെപ്യുട്ടി കളക്ടര് ഗോപകുമാര്, പത്തനംതിട്ട അസിസ്റ്റന്റ് സ്റ്റേഷന് ഫയര് ഓഫീസര് അജിത് എന്നിവര് യുദ്ധസ്മാരകത്തില് ദീപം തെളിയിച്ചു. പത്തനംതിട്ട മുനിസിപ്പല് ചെയര്മാന് സക്കീര്ഹുസ്സൈന് മുഖ്യാതിഥിയായിരുന്നു. ചടങ്ങിന് സിവില് ഡിഫന്സ് പത്തനംതിട്ട ഡിവിഷണല് വാര്ഡന് ഫിലിപ്പോസ് മത്തായി നേതൃത്വം നല്കി. പത്തനംതിട്ട, അടൂര്, കോന്നി നിലയങ്ങളില് നിന്നും സിവില് ഡിഫന്സ് അംഗങ്ങള് പങ്കെടുത്തു.
