തിരുവനന്തപുരം : മത്സ്യത്തൊഴിലാളി കടലില്‍ ഇടിമിന്നലേറ്റ് മരിച്ചു. പൂന്തുറ സ്വദേശി ലീനാണ് (32) കടലില്‍ വച്ച്‌ മത്സ്യബന്ധനം നടത്തുന്നതിനിടെ ഇടിമിന്നലേറ്റ് മരിച്ചത്. ഇന്ന് വൈകുന്നേരം മുതല്‍ കനത്ത മഴയാണ് തിരുവനന്തപുരം ജില്ലയിലും പരിസപ്രദേശങ്ങളിലും ഉണ്ടായത്. തിരുവനന്തപുരത്തെ നഗരരൂരില്‍ കനത്ത കാറ്റിലും മഴയിലും വ്യാപകമായ നാശനഷ്ടങ്ങള്‍ ഉണ്ടായി. നിരവധി വീടുകള്‍ക്ക് കേടുപാട് സംഭവിക്കുകയും മരങ്ങള്‍ കടപുഴകി വീഴുകയും ചെയ്തു.
കോഴിക്കോട് ജില്ലയുടെ കിഴക്കന്‍ മേഖലകളിലും കൊയിലാണ്ടിയിലും കാറ്റിലും മഴയിലും കനത്ത നാശമാണ് ഉണ്ടായത്. കൊയിലാണ്ടിയിലെ മീന്‍പിടുത്ത തുറമുഖത്ത് കാറ്റിലും മഴയിലും ബോട്ടുകള്‍ തകര്‍ന്ന് വലിയ നാശമുണ്ടായി. ഏതാണ്ട് 15 ലക്ഷം രൂപയുടെ നാശനഷ്ടങ്ങളുണ്ടായെന്നാണ് പ്രാഥമിക നിഗമനം. കോഴിക്കോടിന്റെ കിഴക്കന്‍ മേഖലയായ താമരശ്ശേരി, കുന്ദമംഗല, ചാത്തനൂര്‍, കോടഞ്ചേരി എന്നിവിടങ്ങളിലും കനത്തമഴയിലും കാറ്റിലും നാശനഷ്ടങ്ങളുണ്ടായി.
